Samfélagsmiðlar

Skúli tekur slaginn við Andra Má á Stansted

Farþegar á Stansted flugvelli í London geta nú valið úr beinu flugi með Primera Air til N-Ameríku en geta líka flogið með WOW air vestur um haf með stuttri millilendingu á Keflavíkurflugvelli.

Primera Air, sem eru í eigu Andra Más Ingólfssonar, hefur hingað til nær eingöngu sinnt leiguflugi fyrir þær ferðaskrifstofur sem heyra undir Primera samsteypuna. Flugfélagið hefur hins vegar breytt um kúrs og kynnir sig núna sem lággjaldaflugfélag sem býður upp á ódýrt áætlunarflug yfir Atlantshafið. Á sama hátt og Norwegian og WOW air hafa gert síðustu ár.

Nýverið fór Primera Air jómfrúarferð sína vestur um haf frá Stansted í London en á þeim flugvelli verða umsvifin í Ameríkuflugi flugfélagsins mest. Munu þotur Primera Air fljúga frá Stansted til New York, Washington borgar og Toronto í Kanada. Þessar þrjár borgir eru líka hluti af leiðakerfi WOW air en hins vegar hefur WOW air gert út frá Gatwick flugvelli í London en ekki Stansted.

Á því varð hins vegar breyting í gær þegar WOW air hóf að bjóða upp á áætlunarflug frá Stansted og nú geta farþegar flugvallarins valið á milli áætlunarferða lággjaldaflugfélaganna tveggja yfir hafið. Engin önnur flugfélög fljúga vestur um haf frá Stansted og því má segja að þarna sitji Primera Air og WOW air ein að markaðnum. Þó auðvitað er mikið framboð af Ameríkuflugi frá bæði Gatwick og Heathrow sem einnig eru á Lundunarsvæðinu.

Af verðunum að dæma þá eru forsvarsmenn WOW air og Primera tilbúnir til að bjóða mjög lág fargjöld frá Stansted til Bandaríkjanna. Samkvæmt athugun Túrista bjóða félögin farmiða, báðar leiðir, milli Stansted og New York á bilinu 40 til 60 þúsund krónur næstu vikur sem verður að teljast lítið fyrir farmiða sem pantaður er svo stuttu fyrir brottför. Þessi fargjöld eru hins vegar berstrípuð og fylgir þeim aðeins handfarangur.

Það er einnig áhugavert við þessa samkeppni lággjaldaflugfélaganna að þotur WOW air halda frá Stansted kl. 17:20 á meðan brottför Primera Air til New York er á dagskrá hálf tíma síðar.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …