Samfélagsmiðlar

Samgöngustofa segir eftirlitið ítarlegra og fari eftir aðstæðum

Það er ljóst að staða WOW air alvarlegen Samgöngustofa veitir þó takmarkaðar upplýsingar veita um hvernig eftirlitinu með flugfélaginu er háttað.

Það er hlutverk Samgöngustofu að gæta hagsmuna almennings í viðskiptum þeira við flugrekendur.

Rekstrarvandi WOW air komst upp á yfirborðið í tengslum við skuldabréfaútboð félagsins sem hófst í sumarlok. Fyrir þann tíma byggðu vangaveltur um slæma stöðu ekki á neinum opinberum gögnum. Síðustu daga hafa stjórnendur WOW ekki heldur farið leynt með að róðurinn er þungur en engu að síður auglýsir flugfélagið núna 40% afslátt á flugfargjöldum.

Það er hlutverk Samgöngustofu að vernda neytendur í viðskiptum þeirra við flugfélög samkvæmt því sem segir í lögum um stofnunina.  Það fást þó ekki skýr svör um hvernig eftirlitinu með WOW air er háttað þessa dagana.

„Fjárhagsmat Samgöngustofu er ávallt ítarlegra þegar vísbendingar eru um rekstrarvanda eða þegar þörf er á fjárhagslegri endurskipulagningu. Eftirlit með fjárhag flugrekenda tekur ætíð mið af flugöryggi. Umfang eftirlitsins fer eftir aðstæðum á hverjum tíma.“ Þannig hljómar svar stofnunarinnar við spurningum Túrista þar sem beðið var um upplýsingar um hvernig eftirlitinu með WOW air væri háttað og hvort það væri ítarlegra núna eða ekki. Í framhaldi var beðið um dæmi um umfangið og spurt hvort hversu tíð upplýsingagjöfin frá WOW til Samgöngustofu væri. Ekki fengust svör við þeim spurningum.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …