Samfélagsmiðlar

Skuldaði WOW milljarða á Keflavíkurflugvelli eða ekki?

Nú geta stjórnendur Icelandair komist til botns í því hvort forsvarsmenn Isavia hafi leyft helsta keppinaut flugfélagsins að safna upp hárri skuld á lendinga- og farþegagjöldum.

Daginn eftir að tilkynnt var að lágmarks þátttaka í skuldabréfaútboði WOW air hefði náðst sagði Morgunblaðið frá því að heimildir blaðsins hermdu að flugfélagið skuldaði Isavia um tvo millj­arða króna í lend­ing­ar­gjöld. Viðbrögð Boga Nils Bogasonar, forstjóra Icelandair, við fréttinni voru hörð í viðtali við Mbl.is. Sagði hann það illskiljanlegt, ef rétt reyndist, að fyrirtæki í opinberri eigu tæki þátt í að fjármagna taprekstur WOW air.

Skúli Mogensen, forstjóri og þáverandi eigandi WOW, brást illa við frétt Morgunblaðsins og sagði í færslu á Facebook að WOW hefði aldrei skuldað yfir tvo milljarða í lendingagjöld. Eftir stóð vafinn hvort skuldin við Isavia væri um tveir milljarðar, ekki yfir, eins og Morgunblaðið hafði fullyrt. Stjórnarmaður í WOW staðfesti hins vegar, í viðtali við Túrista, að flugfélagið væri í skuld á Keflavíkurflugvelli en aldrei hafa fengist skýr svör um raunverulega stöðu skuldarinnar.

Eftir kaup Icelandair á WOW air fyrr í dag getur Bogi Nils, forstjóri Icelandair, gengið úr skugga um hvort Isavia hafi í raun „fjármagnað taprekstur“ WOW air eða ekki. Ef skuldin hefur aldrei verið nálægt því sem Morgunblaðið greindi frá þá verður ólíklega framhald á málinu. Komi það hins vegar á daginn að Isavia hafi leyft WOW air að safna upp milljarða skuld, meðal annars á opinberum gjöldum, þá eru viðmælendur Túrista sammála um, að það verði að teljast líklegt að forsvarsfólk Icelandair geri kröfu um rannsókn á málinu eða lýsi yfir vantrausti á stjórn og stjórnendur Isavia.

Nýtt efni

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …