Samfélagsmiðlar

Engar MAX þotur í háloftunum

Í kjölfar ákvörðunar forseta Bandaríkjanna að banna flug Boeing MAX þota þá óskaði flugvélaframleiðandinn eftir því að þoturnar yrðu kyrrsettar um heim allan. Aðspurður um hvort Icelandair muni sækja bætur til Boeing segir forstjóri Icelandair að farið verði yfir stöðuna þegar upplýsingar liggja fyrir.

Evrópsk flugmálayfirvöld tóku þá ákvörðun í fyrradag að Boeing MAX þotur yrðu ekki leyfðar í flughelgi álfunnar og í kjölfarið lagði Icelandair og fleiri evrópsk flugfélögum þotum sínum af þessari gerð. Áður höfðu Kínverjar og fleiri lönd í Asíu lagt á sams konar bann sem  gilda á meðan unnið er að rannsókn á flugslysinu í Eþíópíu á sunnudag þar sem Beoing MAX 8 þota hrapaði til jarðar. Um borð voru 157 farþegar auk áhafnar og komst enginn lífs af. Aðdragandi hraps flugvélarinnar þykir líkjast mjög hrapi Boeing MAX 8 þotu Lion Air í október síðastliðnum og þar með hafa yfirvöld og flugvél víða um heim bannað notkun flugvélanna tímabundið.

Það var hins vegar fyrst í gær sem bann var sett á  heimalandi Boeing, Bandaríkjunum. Donald Trump, forseti, tók þá fram yfir hendur þarlendra stofnanna og fyrirskipaði að flugvélar af gerðunum MAX 8 og MAX 9 yrðu teknar úr notkun. Flugmálayfirvöld í Bandaríkjunum gátu því ekki annað en virt ákvörðun forsetans og stjórnendur Boeing fylgdu í kjölfarið og óskuðu sömuleiðis eftir kyrrsetningu á meðan unnið er að rannsókn flugslysins í Eþíópíu á sunnudag.

Í tilkynningu sem Icelandair sendi frá sér á þriðjudag segir að kyrrsetning á MAX þotum félagsins hafi til skamms tíma óveruleg áhrif á rekstur þess þar sem um sé að ræða þrjár flugvélar af þeim 33 farþegavélum sem eru í flota félagsins. Tvær af þessum þremur vélum sem Icelandair kyrrsetti eru í eigu félagsins en þá þriðju er félagið með á leigu. Í flugskýli Icelandair á Keflavíkurflugvelli eru svo þrjár MAX þotur til viðbótar sem verið er að standsetja. Þar af er ein MAX 9 sem kom til landsins fyrir þremur vikum síðan og gert var ráð fyrir að yrði notuð í áætlunarflug Icelandair síðar í þessum mánuði. Sumaráætlun Icelandair gerir byggir á því að félagið verði með níu Boeing MAX þotur af gerðunum 8 og 9 en sú síðarnefnda er aðeins lengri en hin og tekur því fleiri farþega.

Þó flugáætlun Icelandair hafi ekki riðlast hingað til vegna kyrrsetningarinnar þá fór stór hluti af dagskrá flugfélagsins Norwegian úr skorðum í gær. Stjórnendur Norwegian gáfu þá út að þeir muni fara fram á skaðabætur frá Boeing vegna stöðunnar. Aðspurður um hvort Icelandair muni jafnframt fara fram á bætur þá segir Bogi Nils Bogason, forstjóri Icelandair Group, í svari til Túrista, að farið verði yfir málin með Boeing þegar allar upplýsingar liggja fyrir.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …