Samfélagsmiðlar

Fleiri ferðamenn um borð

Tengifarþegum hjá Icelandair fækkaði í mars á kostnað farþega sem voru á leið hingað í ferðalag. Hlutfall íslenskra farþega jókst sömuleiðis.

Það voru 268 þúsund farþegar sem nýttu sér áætlunarflug Icelandair í nýliðnum mars eða um 8 þúsund fleiri en á sama tíma á síðasta ári. Þá hafði páskatraffíkin jákvæð áhrif á tölurnar að hálfu leyti því páskadagur var þann 1. apríl. Þrátt fyrir fleiri farþega þá var nýtingin í vélum Icelandair ögn lakari. Skýringin er sú að framboð á flugsætum var aukið um sex prósent á meðan farþegahópurinn stækkaði um þrjú prósent samkvæmt nýbirtum flutningatölum Icelandair fyrir mars.

Í þessum mánaðarlegu uppgjörum Icelandair er fjöldi farþega vanalega birtur í einni tölu en að þessu sinni hafa stjórnendur Icelandair ákveðið að sýna hvernig farþegarnir skiptust á milli ferðamanna á leið til Íslands, tengifarþega og svo farþega sem hófu ferðalagið hér á landi. Niðurstaðan er sú að fyrstnefndi hópurinn er stærstur (121 þúsund farþegar) og stækkaði hann um 13 af hundraði frá sama tíma í fyrra. Tengifarþegarnir voru um 105 þúsund og fækkaði þeim um 7 prósent. Vægi farþega frá heimamarkaðnum er hins vegar minnst því þeir voru rétt um 42 þúsund talsins en fjölgaði þó um fjögur prósent.

Ástæða þess að forsvarsfólk Icelandair birtir að þessu sinni dýpri greiningu á farþegahópnum kann að hafa með fall WOW air að gera. Fyrir íslenska ferðaþjónustu og íslenskt efnahagslíf skiptir nefnilega miklu máli að vægi erlendra ferðamanna í þotum Icelandair aukist á kostnað tengifarþeganna sem staldra aðeins stutta stund í Leifsstöð á milli ferða sinni milli Evrópu og Norður-Ameríku.

 

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …