Samfélagsmiðlar

Flugrekstrarleyfi með hraði

Það þarf ekki að taka marga mánuði að fá flugrekstrarleyfi hjá Samgöngustofu. Nýtt viðskiptaplan Skúla Mogensen gengur einmitt út á að hið endurreista WOW fái grænt ljós frá íslenskum yfirvöldum hratt og örugglega.

Það var rétt liðin vika frá gjaldþroti WOW air þegar Fréttablaðið sagði frá áformum Skúla Mogensen og sjö manna framkvæmdastjórnar lággjaldaflugfélagsins um að endurreisa það nú strax í apríl. Ef það á að ganga upp þá þarf félagið flugrekstrarleyfi fljótt svo hægt sé að sinna sérverkefni fyrir ónefnt evrópskt flugfélag sem hefjast á nú í vor. Umsóknarferlið flugrekstrarleyfa tekur þó oftar en ekki marga mánuði og jafnvel rúmt ár. Hið nýja WOW air gæti þó komist hratt í loftið því samkvæmt svari frá Samgöngustofu, við fyrirspurn Túrista, þá er ekki útilokað að afgreiða nýtt flugrekstrarleyfi á einum til þremur mánuðum „ef undirbúningur er góður og öll gögn liggja fyrir.“

Þetta kann að vera ástæða þess að nokkrir aðilar hafa sýnt flugrekstrarhluta úr þrotabúi WOW áhuga eins og Vísir sagði frá í gær. Þar var haft eftir Þorsteini Einarssyni, annars af skiptastjórum þrotabús WOW air, að nokkrir hafi haft samband og lýst áhuga á flugrekstrarhluta WOW.

Eins og áður hefur komið fram þá byggir endurreisn WOW air á því að Skúli og framkvæmdastjórarnir sjö fái 51 prósent hlut í nýja WOW á meðan fjárfestar sem leggja félaginu til tæpa fimm milljarða króna frá 49 prósent. Félagið mun hafa tryggt sér fimm flugvélar og verða þær fyrst nýttar í fyrrnefnt leiguverkefni fyrir evrópskt flugfélag nú í vor og í sumarbyrjun.

Í lok júní er svo ætlunin að hið nýja WOW air taka upp þráðinn á Keflavíkurflugvelli og hefji áætlunarflug til nokkurra evrópskra áfangastaða og þriggja stórborga á austurströnd Bandaríkjanna. Túristi hefur óskað efir upplýsingum um hversu fljótt er hægt að fá leyfi fyrir flugi til Bandaríkjanna frá þarlendum yfirvöldum, svokallað FAR 129 leyfi, en ekki hefur fengist svar.

Samkvæmt kynningu sem send hefur verið til fjárfesta þá er gert ráð fyrir að nýja WOW flytji 570 þúsund farþega í ár en um eina og hálfa milljón farþega á næsta ári. Árið 2021 á farþegafjöldinn að vera kominn upp í tvær milljónir.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …