Samfélagsmiðlar

Engar fréttir af sölu hótela Icelandair

Það stóð til að ljúka sölu á hótelum Icelandair á fyrsta fjórðungi ársins. Ekkert hefur hins vegar verið gefið út um stöðuna.

Frá Reykjavík Konsúlat hótelinu sem er í eigu Icelandair hótelanna.

Fyrir nærri ári síðan tilkynntu stjórnendur Icelandair Group að hótel samsteypunnar yrðu seld. Um er að ræða næst stærsta hótelfyrirtæki landsins og í ljós kom að fjölmargir fjárfestar voru áhugasamir. Á annan tug tilboða barst og stefnt var að því að niðurstaða í sölunni lægi fyrir undir lok fyrsta fjórðungs ársins. Nú er annar ársfjórðungur hafinn og engar upplýsingar er að fá hjá Icelandair. „Það er ekkert nýtt að frétta af hótelsölunni sem við getum gefið upp að svo stöddu,“ segir í svari frá Icelandair Group. Ekki fékkst svar við þeirri spurningu hvort gjaldþrot WOW hafi tafið söluferlið nú á lokametrunum.

Það er ekki opinbert hvaða fjárfestar hafa sýnt áhuga á að kaupa hótelin en í lok febrúar sagði Fréttablaðið frá því að eigendur Keahótelanna væru meðal bjóðenda. Fyrir helmingshlut í þeirri hótelkeðju fer bandaríska eignastýringarfyrirtækið Pt Capital Advisors en forstjóri þess er Hugh Short. Hann lýsti því yfir eftir gjaldþrot WOW, í færslu á Linkedin sem Fréttablaðið sagði frá, að hann spyrði sig afhverju íslensk stjórnvöld aðstoðuðu ekki við að halda flugfélaginu í rekstri tímabundið. „Það hefði verið hægt að komast hjá þessu öllu saman.“ Þetta stöðumat Short segir kannski sitt um áhuga hans og fleiri fjárfesta á að kaupa næst stærstu hótelkeðju landsins nú þegar næst stærsta flugfélagið er farið í þrot.

Það verður þó ekki horft fram hjá því að staða WOW hefur verið ótrygg nærri allan þann tíma sem söluferli hótela Icelandair hefur staðið yfir. Þátt fyrir það er áhuginn mikill sem fyrr segir. Aðspurður um þessa óvissu varðandi WOW þá sagði Bogi Nils Bogason, forstjóri Icelandair Group, í svari til Túrista í haust, að ástandið hafi ekki seinkað söluferlinu né lækkað væntingar um söluverð hótelanna. „Hins vegar hefur þessi atburðarás ekki farið framhjá mönnum. Það er alltaf ákveðin óvissa í spám um fjölda ferðamanna til Íslands. Ein breyta í þeirri jöfnu eru flugsamgöngur til landsins og fregnir af fjárhagslegum erfiðleikum flugfélags auka á þá óvissu,” sagði Bogi í september síðastliðnum.

Nú er ríkir ekki lengur óvissa um framtíð WOW en spurning hvort endalok félagsins hafi líka gert út um áform Icelandair um sölu á hótelum fyrirtækisins. Við þeirri spurningu fæst sennilega skýrt svar fljótlega frá forsvarsfólki Icelandair.

 

 

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …