Samfélagsmiðlar

Miklu færri nýta Leifstöð sem skiptistöð

Brotthvarf WOW og breyttar áherslur hjá Icelandair hafa mikil áhrif á samsetningu farþega á Keflavíkurflugvelli.

Ríflega helmingi færri farþegar millilentu á Keflavíkurflugvelli á leið milli Ameríku og Evrópu í apríl.

Vægi þeirra farþega sem aðeins nýta Keflavíkurflugvöll til að millilenda, á ferð sinni milli Evrópu og Norður-Ameríku, fór upp í 39 prósent í fyrra. Hlutfallið hafði þá aukist ár frá ári allt frá því að Ameríkuflug WOW air hófst sumarið 2015. Á sama tíma hefur Isavia séð tækifæri í þessari þróun og þarsíðasta vetur voru kynntar niðurstöður rannsóknar, sem fyrirtækið lét gera, sem sýndu fram á verðmæti þessa farþegahóps. Þar var því var jafnframt spáð að fjölgun tengifarþega yrði áfram mikil og það gekk eftir í fyrra þegar fjöldinn jókst um 27 prósent.

Samdrátturinn það sem af er ári nemur hins vegar 29 prósentum og í nýliðnum apríl nam hann 53 prósentum. Þá voru tengifarþegarnir nærri 120 þúsund en höfðu verið 254 þúsund í apríl í fyrra. Gjaldþrot WOW air í lok mars skýrir þessa miklu niðursveiflu að mestu leyti en því til viðbótar þá er það yfirlýst markmið stjórnenda Icelandair í ár að fjölga ferðamönnum á leið til Íslands um borð á kostnað tengifarþeganna.

Slagurinn um þá sem eru á leið milli Evrópu og N-Ameríku er líka það harður að fargjöldin standa vart undir rekstrinum eins og sjá má í gjaldþroti WOW air og Primera air og veikri stöðu Norwegian. Taprekstur Icelandair hefur líka aukist verulega síðastliðið ár og á síðasta ársfjórðungi tapaði félagið að jafnaði um 74 milljónum króna á degi hverjum.

 

 

 

 

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …