Samfélagsmiðlar

Þriggja milljarða tap á ferðaskrifstofum Arion banka

Gjaldþrot Primera Air reyndist ferðasamsteypu Andra Más Ingólfssonar þungt högg. Tapið af rekstrinum var mikið í fyrra og nú munu íslensku ferðaskrifstofurnar Heimsferðir og Terra Nova hafa verið seldar.

Ein af þotum Primera Air.

Nokkrum dögum eftir fall Primera Air flugfélagsins, í byrjun október í fyrra, voru allar þær sjö norrænu ferðaskrifstofur, sem tilheyrðu ferðaskrifstofuveldi Andra Más Ingólfssonar, færðar frá íslensku móðurfélagi og yfir í danskt fyrirtæki, Travelco Nordic. Það félag hafði áður aðeins haldið utan um ferðaskrifstofurnar sem fyrirtækið á í Danmörku og Svíþjóð.  Arion banki tók hið nýja danska móðurfélag yfir í síðustu viku og er ætlunin að selja samsteyptuna sem fyrst. Nýbirtur ársreikningur leiðir hins vegar í ljós að staða félagsins er verulega þung.

Travelco Nordic tapaði nefnilega 156 milljónum danskra króna í fyrra eða sem nemur um þremur milljörðum króna. Í greinargerð endurskoðanda, sem fylgir reikningnum, segir að ekki sé tryggt að fyrirtækið hafi nægt lausafé til að komast í gegnum árið í ár. Þetta kemur fram í frétt danska ferðaritsins Standby nú í morgun en þar segir jafnframt að Arion banki hafi styrkt lausafjárstöðuna í tengslum við yfirtökuna í síðustu viku.

Danski endurskoðandinn setur þó einnig spurningamerki við gríðarlega hækkun á viðskiptavild Travelco Nordic. Hún var hækkuð úr rúmum 16 milljónum íslenskra króna í 910 milljónir í fyrra og líklegast til að tryggja félaginu jákvætt eigið fé. Það nam í lok síðasta árs rétt um 270 milljónum króna og hefur þá, í íslenskum krónum talið, lækkað um nærri milljarð frá árinu 2017.

Íslensku ferðaskrifstofurnar Heimsferðir og Terra Nova hafa tilheyrt Travelco Nordic eftir eignatilfærsluna frá Íslandi til Danmerkur í fyrra. Í frétt Standby segir hins vegar að í ársreikningi komi fram að íslensku ferðskrifstofurnar tvær hafi nú í júní verið seldar út úr danska móðurfélaginu fyrir um um 1,1 milljarð króna. Samkvæmt upplýsingum frá Arion banka þá voru íslensku félögin aðskilin frá starfsemi félaganna sem starfa á hinum Norðurlöndunum. Arion banki er áfram endanlegur eigandi ferðaskrifstofanna sjö.

Heimsferðir hafa lengi verið ein stærsta ferðaskrifstofa landsins og Terra Nova er umsvifamikil í skipulagningu á Íslandsferðum.


Fréttin var uppfærð eftir að svör bárust frá Arion banka um sölu á íslensku ferðaskrifstofunum, Heimsferðum og Terra Nova, út úr Travelco Nordic.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …