Samfélagsmiðlar

Rauðu dagarnir 2020

Þetta eru dagsetningarnar sem margir horfa til þegar þeir skipuleggja orlof ársins.

Hinum svokölluðu rauðu dögum fækkar um einn frá 2019 og verða þeir samtals ellefu í ár. Skýringin liggur í því að annar í jólum verður á laugardegi að þessu sinni enda hann færist til um tvo vikudaga því nú er hlaupaár. Góðu fréttirnar eru þær að bæði baráttudagur verkalýðsins og þjóðhátíðardagurinn sjálfur eru aftur á virkum degi.

Þeir sem geta hugsað sér að nýta rauðu dagana í borgarferðir hafa því úr töluverðu að moða og kannski sérstaklega fyrstu helgina í maí.

Hér eru annars dagarnir ellefu sem gott er að hafa í huga þegar fríið í ár er skipulagt.

Rauðu dagarnir 2020

Nýársdagur, 1.janúar – miðvikudagur
Skírdagur, 9.apríl – fimmtudagur
Föstudagurinn langi, 10.apríl – föstudagur
Annar í páskum, 13.apríl – mánudagur
Sumardagurinn fyrsti, 23.apríl – fimmtudagur
Baráttudagur verkalýðsins, 1.maí – föstudagur
Uppstigningardagur, 21.maí – fimmtudagur
Annar í hvítasunnu, 1.júní – mánudagur
Þjóðhátíðardagurinn, 17. júní – miðvikudagur
Frídagur verslunarmanna, 3.ágúst – mándagur
Jóladagur, 25.desember – föstudagur

Til að gera einfaldan verðsamanburð á farmiðum þá má nota þessa leitarvél hér. Og Hotels Combined er fín til að bera saman kjör á gistingu.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …