Samfélagsmiðlar

Ísland gæti bæst við breska bannlistann í dag

Hröð fjölgun nýrra Covid-19 smita hér á landi gæti orðið til þess að Bretum verði ráðlagt frá ferðalögum til Íslands.

London Piccadilly Julian LoveLondon and Partners

Alla jafna er flogið héðan til nokkurra borga í Bretlandi. Nú takmarkast samgöngurnar við flugvellina í London.

Nú þegar fjöldi Covid-19 smita er á uppleið víðsvegar í Evrópu þá viðbúið að fleiri lönd bætist við lista breskra stjórnvalda yfir þau svæði sem þegnum landsins er ráðlagt að ferðast ekki til. Að sama skapi verða allir þeir sem koma frá þessum löndum að fara í tveggja vikna sóttkví við komuna til Bretlands.

Í frétt Independet eru leiddar líkur að því að bæði Ísland og Danmörk bætist við bannlistann síðar í dag. Ástæðan er sú að fjöldi nýrra smita hér á landi og í Danmörku er komin langt yfir breska viðmiðið um tuttugu smit á hverja eitt hundrað þúsund íbúa.

Í Bretlandi er tíðni nýrra smita reyndar ennþá hærri eða fjörutíu og fjögur smit. Á Íslandi er talan komin upp í 69 og 63 í Danmörku segir í frétt Independent.

Grant Sharp, samgönguráðherra Bretlands, hefur tilkynnt um breytingar á þessum svokallaða „no-go“ lista á fimmtudögum og þá hafa Bretar aðeins nokkra daga til að koma sér heim til að sleppa við sóttkví. Það hefur valdið umtalsverðri hækkun á fargjöldum frá viðkomandi löndum, þ.e. var til að mynda raunin þegar Króatía og Portúgal fóru á listann.

Ekki er að sjá að þess háttar verðhækkanir hafi orðið í flugi frá Keflavíkurflugvelli til Bretlands. Þannig kostar flugmiði með easyJet héðan á morgun til London rétt um fimmtán þúsund krónur. Næsta ferð Icelandair til bresku höfuðborgarinnar er ekki á dagskrá fyrr en á sunnudag og farið er á 37.045 krónur.

Nú er að sjá hvort Icelandair bæti við ferð til Lundúna á morgun eða hinn ef Ísland endar á bannlista Breta síðar í dag. Aftur á móti gæti staðan verið sú að á Íslandi séu einfaldlega ekki margir sem þurfa til Bretlands á næstunni. Allt frá því að krafa var gerð hér á landi um að allir færu í sóttkví við komuna til landsins hefur flugumferðin nefnilega snarminnkað.

Kæri lesendi, á næstu dögum verður Túrista læst að hluta. Þar með verður þorri greinanna sem hér birtast aðeins aðgengilegur áskrifendum. Þetta er sú leið sem fjöldi netmiðla út í heimi hefur farið og sérstaklega þeir sérhæfðu eins og Túristi sannarlega er. Tekjur af auglýsingasölu duga einfaldlega ekki lengurNánari upplýsingar um fyrirkomulagið verða birtar innan skamms.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …