Samfélagsmiðlar

Gera ráð fyrir að kaupa um 600 bílaleigubíla

Hátt hlutafall ferðamanna hér á landi ferðast um á bílaleigubíl. Nú er að sjá hvort það hlutfall hækki eftir heimsfaraldurinn.

„Þetta starfsfólk er lykilfólk hjá okkur, mjög öflugur hópur sem er með mikla starfsreynslu. Meðal starfsaldur hjá okkur er nú um sjö ár,“ segir Sigfús Bjarni Sigfússon, forstjóri Hertz. En í dag greindi Morgunblaðið frá því að bílaleigan hefði endurráðið 66 starfsmenn. Alls starfa á áttunda tug starfsfólks hjá fyrirtækinu, en nær öllum var sagt upp í kjölfar faraldursins.

Spurður hversu margir vinna á starfsstöð Hertz við Keflavíkurflugvöll, þá segir Sigfús, í svari til Túrista, að það sé náttúrulega lítið að gera við flugvöllinn en starfsmennirnir þar eru fjórtán talsins.

„Við erum duglegir við að nýta þá á starfsstöð okkar í Reykjavík og Selhellu í Hafnarfirði þar sem bílasalan fer fram og þjónusta við viðskiptavini sem eru með langtímaleigu,“ bætir Sigfús við.

Hann segir Hertz vera farið að huga að bílakaupum en erfitt sé að spá fyrir um næsta ár. „Fyrstu áætlanir gerðu ráð fyrir kaupum á um 800 bílum, en nú erum við að hugsa um 600 bíla,“ segir Sigfús en segir að sú tala geti hækkað eða lækkað um 100 til 200 bíla.

Forstjóri Hertz spyr sig, í þessu samhengi, hvort það komi ferðamenn frá Norður-Ameríku hingað til lands í sumar? Vægi bandarískra ferðamanna hefur nefnilega verið mjög hátt hér á landi og sumarið 2019 var það 28 prósent. Sigfús segir að hlutdeild viðskiptavina frá Norður-Ameríku hafi verið um 30 prósent hjá Hertz.

Ferðamaður sem bókar í dag bíl af minnstu gerð hjá Hertz fyrir seinni tvær vikurnar í júlí þarf að borga 158 þúsund krónur fyrir leiguna. Spurður um væntingar til verðlags í sumar þá segir Sigfús að verðið ráðist oftast af framboði og eftirspurn en hann geri þó ráð fyrir að það verði á svipuðu róli og það er í dag.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …