Samfélagsmiðlar

Katarar í hefndarhug

Samgönguyfirvöld í London neita að birta auglýsingar um ferðir til Katar, sem birta átti í strætisvögnum, leigubílum og neðanjarðarlestum. Katarar eru sármóðgaðir og hóta að endurmeta viðamiklar fjárfestingar sínar í borginni. Meðal eigna Katara er fimmtungshlutur í Heathrow-flugvelli.

Katar ætlaði að heilla heimsbyggðina með því að halda HM í fótbolta karla 2022. Olíuríkið við Persaflóa hefur hinsvegar sætt mikilli og vaxandi gagnrýni fyrir frammistöðuna í hlutverki gestgjafans. Ekki var á það bætandi. Meðferð Katara á farandverkamönnum sem unnu að umfangsmikilli mannvirkjagerð fyrir mótið hefur víða verið fordæmd. HM hófst engu að síður á tilætluðum tíma. Síðan hafa hrannast upp óveðursský víða. Margir vilja nú refsa Katörum eða láta þá ekki komast upp með að fegra ímynd sína fyrir augum almennings.

london David Dibert
Strætisvagnar á Westminster-brúnni

Meðal þeirra sem nú setja Katörum stólinn fyrir dyrnar er TfL, fyrirtækið sem rekur almenningssamgöngur í London (Transport for London). Í forsæti fyrirtækisins er Sadiq Khan, borgarstjóri. Hann kom þeim skilaboðum áleiðis til ferðamálayfirvalda í Katar og Q22, sem hefur yfirumsjón með HM, að auglýsingarnar yrði ekki birtar vegna afstöðu Katara til réttinda LGBT-fólks og meðferðar á farandverkamönnum. Afstaða TfL er klár: Auglýsingar sem lýsa Katar sem eftirsóknarverðum áfangastað ferðafólks eru ekki boðlegar í almannarými í London, borg fjölbreytileikans. 

Financial Times segir frá því í helgarblaði sínu að Katarar túlki þessi skilaboð frá skrifstofu borgarstjórans þannig að ekki sé áhugi á að eiga viðskipti við þá. 

Þjóðarsjóður Katar er meðal stærstu fjárfesta í London. Í gegnum fjárfestingasjóð sinn (QIA) hafa Katarar eignast stórverslunina Harrods, Shard-skýjakljúfinn og hluta Canary Wharf. Katarar eiga líka The Savoy og Grosvenor House, nafnkunn hótel í London, 20 prósent í Heathrow-flugvelli og 14 prósent í Sainsbury´s, næst stærstu keðju matvöruverslana í landinu.

Meðal fasteigna Katara í LOndon er Shard-skýjakljúfurinn, sem þarna ber við himin

Katarar eru sármóðgaðir vegna afstöðu yfirvalda í London, vísa á bug ásökunum um misrétti og fordóma. En það á eftir að koma í ljós hversu mikil alvara þeim er með hótunum um að endurskoða stórtæka fjárfestingastefnu sína í London – selja hluti sína. 

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …