Samfélagsmiðlar

Klósettkort fyrir ferðamenn

Allt það vatn sem um Feneyjar flýtur virðist hafa þvaglosandi áhrif á ferðafólk. Alla vega finnst yfirvöldum þar í borg það orðið mikið vandamál hversu oft gestir borgarinnar kasta af sér vatni í síkin eða þröng húsasund. Til að ráða bót á þessum vanda verða ferðamönnum hér eftir boðin til sölu kort sem veita aðgang að öllum opinberum salernum í borginni. Er það von þeirra að fleiri geri sér ferð á náðhús í framhaldinu. Dagskort á kamra borgarinnar kostar um 550 íslenskar krónur og handhafar þess geta farið tvisvar sinnum á klósettið yfir daginn án þess að borga aukalega. Stök ferð kostar hins vegar um 350 krónur. Feneyjarbúar borga aðeins fimmtíu krónur fyrir ferðina. Vikukort kostar rúmar sextán hundruð íslenskar. Samkvæmt ferðasíðunni Rejseliv.dk gilda þessi verð aðeins þegar ferðamannastraumurinn til borgarinnar er í hámarki. Klósettkortin eru seld á upplýsingamiðstöðvum fyrir ferðamenn. Ekki er víst að íslenskum ferðamönnum í Feneyjum þyki þessi verð ásættanleg. Það er líklega skynsamlegra að eyða peningnum í staðinn í veitingar á bar eða kaffihúsi og geta þá nýtt sér salernisaðstöðuna þar.

Fyrr á þessu ári voru viðraðar hugmyndir þess efnis að aðeins ferðamenn sem gista á hótelum borgarinnar mættu skoða sig þar um. Ástæðan fyrir þessu er sú að Feneyjar geta varla með góðu móti tekið á móti öllum þeim gestum sem til hennar koma á hverju ári. Þessi byltingarkennda hugmynd hefur hins vegar ekki ekki ennþá verið samþykkt.

MEIRA: Bestu hótelsundlaugar í heimi

Bookmark and Share

Nýtt efni

Þann 12. ágúst árið 2022 voru liðin meira en 33 ár frá því að múslímaklerkar í Íran dæmdu Salman Rushdie til dauða fyrir að hafa talað óvarlega um Múhameð spámann. Þennan ágústdag hafði Salman verið fenginn til að tala á ráðstefnu í New York um nauðsyn þess að búa til öruggt athvarf fyrir rithöfunda sem …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …