Samfélagsmiðlar

Hótelherbergjum fjölgaði um 432.000

Það voru teknar skóflustungur að mörgum nýjum hótelum árin fyrir krísuna. Þau opna nú hvert af öðru og nálgast fjöldi hótelherbergja á heimsvísu tuttugu milljónir.

Það ríkti mikil bjartsýni í ferðamannageiranum líkt og annars staðar fyrir nokkrum árum síðan. Fjárfestar kepptust um að leggja peninga í nýja gististaði og sérstaklega í Miðausturlöndum og S-Ameríku. Framboð á gistirými jókst hlutfallslega mest á þessum tveimur svæðum á síðasta ári eða um nærri fimm prósent. Vöxturinn í N-Ameríku og Evrópu var hins vegar milli tvö og þrjú prósent samkvæmt tölum frá MKG Hospitality. Fjöldi ferðamanna á heimsvísu drógst hins vegar saman um fjögur prósent á síðasta ári. Vegna þessa mismunar verður að teljast líklegt að hótelstjórar víða um heim haldi áfram að bjóða gistinguna með góðum afslætti líkt og þeir hafa gert síðustu misseri.

Samkvæmt frétt Standby.dk er InterContinental stærsta hótelfyrirtæki í heimi en innan keðjunnar eru rúmlega sex hundruð og fjörtíu þúsund herbergi. Wyndham og Hilton koma þar á eftir.

TENGDAR GREINAR: Hótel án starfsfólks og Ódýr hótel í Kaupmannahöfn
NÝJAR GREINAR: Lufthansa stærst í Evrópu og Kofasæla á Jótlandi

Mynd: Wikicommons

 

 

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …