Samfélagsmiðlar

Fimmti hver ferðast ótryggður

Þeir eru margir bresku túristarnir sem ferðast án trygginga.

Það getur kostað skildinginn að veikjast eða slasast alvarlega í útlöndum, til dæmis ef framlengja þarf dvöl vegna veikinda. Bresk stjórnvöld hafa því áhyggjur af niðurstöðum könnunar sem sýna að tuttugu prósent landsmanna ferðast til útlanda ótryggðir. Álíka hátt hlutfall Breta telur að Evrópska sjúkratryggingakortið greiði götu þeirra ef leita þarf læknisaðstoðar í álfunni samkvæmt frétt Travelmole.

Veitir takmörkuð réttindi

Allir borgarar á Evrópska efnahagsvæðinu geta sótt um kortið og eru það Sjúkratryggingar Íslands sem gefa það út hér á landi. Evrópska sjúkratryggingakortið veitir aðgang að hinu opinbera heilbrigðiskerfi EES-landanna og fær ferðamaðurinn aðstoð samkvæmt reglum dvalarlandsins. Og þar sem hlutur sjúklinga er mismikill í sjúkra- og lyfjakostnaði eftir löndum þá getur læknishjálpin kostað ferðamanninn töluverðar upphæðir.

Evrópska sjúkratryggingakortið veitir hins vegar ekki rétt til heimflutnings til Íslands og bætir ekki kostnað sem verður til vegna breytinga á ferðaáætlun, til dæmis kaup á nýjum flugmiða eða viðbótar gistingu á hóteli samkvæmt því sem kemur fram á vef Sjúkratrygginga Íslands.

En Túristi spyr að lokum: Hefurðu farið í utanlandsferð á síðustu 5 árum án þess að vera með ferðatryggingu? Vinsamlegast svarið í dálkinum hægra megin.

NÝJAR GREINAR: 10 bestu evrópsku borgirnar fyrir sælkera
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Mynd: Kenjonbro/Creative Commons

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …