Samfélagsmiðlar

ESB ætlar áfram að skera símakostnað túrista niður

Mínútuverð á símtölum ferðamanna í Evrópu hafa farið stiglækkandi síðustu ár fyrir tilstylli ESB. Kröfur um enn meiri lækkanir eru í farvatninu á Evrópuþinginu.

Það kostar tæpar 73 krónur á mínútuna að hringja til Íslands frá Evrópu úr íslenskum síma. Öll símafyrirtækin hér á landi innheimta þetta sama gjald sem byggt er á hámarks reikiverði ESB. Það hefur lækkað um ca. 10 prósent á ári frá 2009. Þann fyrsta júlí næstkomandi mun verðið lækka enn frekar. Þá verður mínútugjaldið 66 krónur, miðað við gengi krónunnar sem notað var til að setja núverandi hámarksverð hér á landi. Ef krónan styrkist hins vegar, líkt og hún hefur gert á tímabilinu, þá mun mínútuverðið lækka enn frekar. Tilefni lækkunarinnar síðustu ár er áætlun Evrópusambandsins í að draga úr símakostnaði á milli aðildarlandanna í þremur skrefum á árunum 2009 til 2012.

Stemning fyrir mun meiri þvingunum

Þessa dagana eru til umræðu á Evrópuþinginu áframhald á þessari áætlun. Verði núverandi tillögur samþykktar mun mínútuverðið fara niður í tæpar fimmtíu krónur eftir tvö ár, ef reiknað er út frá því evrugengi sem notað var til að ákvarða núgildandi hámarksverð. Það er tæplega helmingslækkun frá því að aðgerðirnar hófust fyrir þremur árum. Meðal þingmanna Evrópuþingsins mun hins vegar ríkja nokkur eining um að þvinga símafyrirtækin enn neðar samkvæmt frétt Reuters. Verði það raunin mun það kosta íslenskan túrista 32 krónur á mínútuna að hringja heim úr Evrópureisunni eftir tvö ár, ef gengið helst óbreytt.

Verð á netnotkun í útlöndum og kostnaður við að taka á móti símtölum á meginlandi Evrópu hefur einnig lækkað og munu gera það samhliða hinum verðbreytingunum.

Enginn sem býður betur

Hjá Nova, Símanum, Tal og Vodafone eru verð á símtölum frá Evrópu þau sömu upp á krónu. Er þar miðað við þau hámarksverð sem Evrópusambandið setur og það gengi evru sem Póst- og fjarskiptastofnun ákveður að skuli nota. Samanburður Túrista á verðskrám stærstu símafyrirtækjanna í Bretlandi og Danmörku leiddi í ljós að í þeim löndum sjá símafyrirtækin sér heldur ekki hag í því að bjóða lægra mínútuverð á símtölum frá Evrópu en samkeppnisaðilarnir gera. Hámarksverð ESB er því verðið sem gildir markaðinum.

TENGDAR GREINAR: Frítt net í FlugrútunniÓkeypis á netið á Kastrup
NÝJAR GREINAR: Toppurinn á Danmörku

Mynd: Túristi

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …