Samfélagsmiðlar

Fargjöld lækka eftir að tilboði lýkur

Samkeppni WOW air og Iceland Express harðnar dag frá degi. Í hádeginu í gær auglýsti það síðarnefnda tilboðsverð sem átti að gilda fram til miðnættis. Tólf tímum eftir að tilboðinu lauk voru verðin lækkuð enn frekar.

Það hefur ekki farið framhjá neytendum að forsvarsmenn Iceland Express og WOW air eru í verðstríði. Það líður ekki langur tími á milli tilboða og þau eru ávallt auglýst sem tímabundin. Fólk er hvatt til að bóka bóka í hvelli til að tryggja sér lágt verð. Það er þó ekki víst að tilboðsverðin reynist alltaf lægst.

Lækkuðu um 1000 krónur

Í hádeginu í gær hófst 12 tíma tilboð hjá Iceland Express á farmiðum til London. Hið tímabundna verð var 15.700 krónur, aðra leiðina. Í morgun, þegar tilboðið var útrunnið, var ennþá hægt að fá miðana á þessum kjörum og núna er verðið komið niður í 14.700 krónur samkvæmt athugun Túrista.

Þeir sem bókuðu tilboðsverðið í gær borguðu þ.a.l. meira en sá sem kaupir farið í dag á venjulegu verði. Ástæðan fyrir verðlækkuninni er líklega sú að WOW air svaraði tilboði gærdagsins með því að auglýsa farmiða til London á 14.900 krónur í dag. Er fólki sagt að „bóka strax“ því tilboð WOW air gildi aðeins fram til miðnættis í kvöld. Það er þó ekki víst að það haldi, frekar en í tilfelli Iceland Express, því í frétt Túrista frá 29. maí er haft eftir Svanhvíti Friðriksdóttur, talskonu WOW air, að ólíklegt væri að tilboðin yrðu fleiri í sumar miðað við þáverandi stöðu. Síðan þá hefur félagið auglýst tíu tilboð. „Markmið WOW air er að vera ávallt ódýrasti kosturinn og njóta því allir góðs af því verðstríði sem ríkir um þessar mundir,“ segir hún aðspurð um síðustu tilboð.

Hörð samkeppni ástæðan

Heimir Már Pétursson, talsmaður Iceland Express, segir harða samkeppni og verðbreytingar á markaði vera ástæðuna fyrir því að verðþróunin síðasta sólarhring hafi verið sú sem líst hefur verið hér að ofan. Hann segir að Iceland Express ætli að vera það félag sem býður hagstæðustu kjörin.

Fylgstu með Túrista á Facebook

TENGDAR GREINAR: Lækka verð rétt fyrir vertíðÍslensku félögin bíða lægri hlut


Mynd: Túristi

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …