Samfélagsmiðlar

Ólík staða farþega við gjaldþrot flugfélaga

Óróinn í kringum flugfélagið SAS hefur fengið marga ferðalanga til að efast um stöðu sína ef félagið færi á hausinn. Staða farþega gjaldþrota flugfélaga er ólík eftir því hvar miðinn var keyptur.

Nú hefur gjaldþroti SAS, stærsta flugfélagi Norðurlanda, verið afstýrt. Félagið flýgur hingað fimm sinnum í viku frá Osló og margir sem kaupa tengiflug með SAS út í heim frá Kaupmannahöfn, Osló og Stokkhólmi. Það voru því óhætt að fullyrða að margir Íslendingar sem staddir voru í útlöndum síðustu daga hafi efast um hvort miðinn þeirra með SAS yrði í gildi þegar kæmi að heimferð.

Heim á eigin reikning eða seljandans

Ef rekstur félagsins hefði stöðvast þá væri staða farþeganna ólík eftir því hvar miðinn var keyptur. Þannig hefði farþegi sem keypti miðann hjá SAS þurft að koma sér heim fyrir eigin reikning og gera svo kröfu í þrotabú félagsins. Hins vegar hefði sá sem keypti farmiða hjá Icelandair, sem innihélt tengiflug með SAS, verið á ábyrgð íslenska félagsins sem hefði þurft að koma farþeganum heim á ný.

Áhætta að kaupa flugin í sitthvoru lagi

Líkt og Túristi fjallaði um nýverið þá er það félagið sem selur miðann sem er ábyrgt fyrir því að koma fólki á áfangastað og heim aftur. Skiptir þá engu máli hvort flugferðum hafi seinkað eða að flugfélagið sem átti að sjá um tengiflugið hafi farið á hausinn. Þeir sem kaupa flugið frá Keflavík og framhaldsflugið í sitthvoru lagi eru hins vegar á eigin vegum ef þeir missa af tengiflugi. Ódýrasta farið út getur því hæglega orðið fólki dýrkeypt.

TENGT EFNI: Tengiflug í súginn vegna seinkunarFarþegar gjaldþrota flugfélags eru illa settir

Mynd: SAS

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …