Samfélagsmiðlar

Þráðlaust net í stað tíkallasíma

Nú komast túristar í New York á netið út á götu án þess að símareikningurinn hækki upp úr öllu valdi. Reykjavíkurborg ætlar einnig að bjóða upp á frítt net á næsta ári.

Það eru líklega margfalt fleiri með farsíma í vasanum en klink. Þeir sem vilja hringja taka því frekar upp símann sinn í stað þess að leita eftir tíkallasíma. Það sama gildir vafalítið um ferðamenn jafnvel þó það geti verið mjög dýrt að hringja heim frá útlöndum. Í New York ætla yfirvöld hins vegar að reyna að gera túristum dvölina þar ögn ódýrari með því að setja upp þráðlaust net og upplýsingaskjái þar sem áður voru almenningssímar. Túristar sem eiga snjallsíma geta því nýtt netsambandið þar til að hringja frítt og senda skilaboð, t.d. með forriti eins og Viper. Samkvæmt frétt Politiken er áformað að hátt í 250 tíkallasímum á Manhattan verði breytt í nýmóðins samskiptastanda á næstu mánuðum.

Líka heitir reitir í Reykjavík

Líkt og Túristi greindi frá nýverið þá eru yfirvöld í höfuðborg Þýskalands í álíka átaki og þau í New York. Í London er víða komið netsamband á lestarstöðvum og í Reykjavík er stefnt á að bjóða upp á frítt netsamband í kringum nokkra af vinsælustu ferðamannastöðunum í miðborginni fljótlega eftir áramót samkvæmt heimildum Túrista. Reykjavík skipar sér þannig í röð með þeim borgum sem fyrst bjóða upp á frítt net á því svæði sem ferðamenn halda sig mest. Keflavíkurflugvöllur hefur hins vegar dregist verulega aftur úr því líkt og sagt var frá hér á síðunni í haust þá er frítt net á öllum stærstu flugvöllum Norðurlanda en ekki í Leifsstöð.

Fylgstu með Túrista á Facebook

HÓTEL: Gerðu verðsamanburð á gistingu og bóðkaðu besta kostinn

 

Mynd: City24x7

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hagnaðurinn á milli ára. Tekjur félagsins námu 14,5 milljörðum króna og jukust um 30% milli ára og var EBITDA félagsins 3,1 milljarður króna og jókst um fjórðung. „Við erum afar stolt af þeim árangri sem náðist í rekstri félagsins á síðasta ári …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …