Samfélagsmiðlar

Meira en milljarður túrista á síðasta ári

Í fyrra var sett met í fjölda ferðamanna og áframhaldandi aukningu er spáð í ár. Ísland var einn af hástökkvurunum.

Á heimsvísu fjölgaði ferðamönnum um 39 milljónir á síðasta ári og í fyrsta skipti voru þeir fleiri en einn milljarður talsins. Aukningin nemur fjórum prósentum á milli ára og var heildarfjöldinn einn milljarður og 35 milljónir samkvæmt tölum ferðamálastofnun Sameinuðu þjóðanna (UNWTO).

Sérfræðingar Sameinuðu þjóðanna spá álíka vexti í ferðamannaþjónustunni á þessu ári og var á því síðasta.

Ein mesta viðbótin hér á landi

Evrópa var áfangastaður meira en helmings allra þeirra sem lögðu land undir fót í fyrra og jókst straumurinn þangað um þrjá af hundraði. Asía og Eyjaálfa bættu sig hins vegar mest milli ára eða um tæp 7 prósent. Þar voru ferðamenn 233 milljónir talsins en í Evrópu 535 milljónir.

Þegar bornar eru saman tölur fyrir minni svæði þá bættu Suðaustur-Asía, Norður-Afríka og Mið- og Austur-Evrópa sig mest eða á bilinu 8 til 9 prósent.

Minnsta breytingin milli ára var hins vegar í Norður-Evrópu því þar fjölgaði komum ferðamanna aðeins um 0,4 prósent. Tölur fyrir hvert land fyrir sig liggja ekki fyrir en í samtali við Túrista segir talsmaður ferðamálaráðs Sameinuðu þjóðanna að Ísland standi undir einu prósenti af heildarfjölda ferðamanna í N-Evrópu og hafi verið eitt þeirra landa sem hafi bætt sig mest milli ára eða um sautján prósent.

TILBOÐ: 5% afsláttur á hóteli í Kaupmannahöfn10% afsláttur í Edinborg
HÓTEL: Smelltu og gerðu verðsamanburð á hótelum í London

Mynd: Hans Peter Merten-Germany.travel

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …