Kvikmyndahús og listigarður er meðal þess sem flugfarþegar myndu vilja sjá á hinum fullkomna flugvelli.
Það hafa sennilega flestir farþegar einhvern tíma fundið fyrir eirðarleysi á meðan þeir bíða eftir því að kallað er upp í vél. Samkvæmt óskalista notenda bókunarsíðunnar Skyscanner myndi bíósalur í flugstöð falla í kramið hjá mörgum farþegum. Margir kysu einnig að halla sér í sérstökum svefnklefum og sumir vilja bara fá að vera í ró og næði inn í bókaherbergi.
Það voru tíu þúsund manns sem tóku þátt í könnun Skyscanner og hér fyrir neðan má sjá lista yfir þá tíu hluti sem fengu flest atkvæði. Sumt af þessu er nú þegar að finna á flugvöllum, t.d er hægt að skella sér í bíó á Changi flugvelli í S-Kóreu og í Leifsstöð er leiksvæði fyrir þau yngstu.
Topp tíu yfir það sem helst vantar á flugstöðvar:
- Kvikmyndahús
- Svefnklefar
- Bókaherbergi
- Garður
- Snyrtisvæði
- Leiksvæði fyrir börn
- Sundlaug
- Líkamsrækt
- Manngerð strönd
- Hjól
Fylgstu með Túrista á Facebook
TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
HÓTEL: Einföld leit að ódýrum hótelum út um allan heim
Mynd: Mynd: Southwest
