Samfélagsmiðlar

Easy Jet jafnar metin

Í vetur hefst áætlunarflug Easy Jet milli Bristol og Keflavíkur. Þar með flýgur félagið héðan til jafn margra flugvalla í Bretlandi og Icelandair gerir og ferðirnar verða 13 á viku. Líkt og hjá Wow Air.

Fyrir einu og hálfu ári síðan hóf breska lággjaldaflugfélagið Easy Jet að fljúga til Íslands þrisvar í viku frá Luton flugvelli í nágrenni Lundúna. Núna eru áfangastaðirnir þrír og þann 12. desember bætist sá fjórði við þegar áætlunarflug til Bristol, á suðvesturhluta Englands, hefst.

Líkt og á hina þrjá staðina verður boðið upp á ferðir allan ársins hring. Með þessum auknu umsvifum þá fjölgar vikulegum ferðum breska félagsins úr ellefu í þrettán. Það eru jafn margar brottfarir og Wow Air býður upp á til Gatwick flugvallar við London. En höfuðborgin er eini áfangastaður íslenska félagsins á Bretlandseyjum.

Sjö ferðir á dag til Bretlands frá Keflavík

Icelandair hefur um langt árabil flogið tvisvar á dag til Heathrow í London og fyrir ári síðan bætti félagið Gatwick við leiðakerfi sitt. Ferðir félagsins til London verða nítján á viku í vetur. Auk þess flýgur Icelandair þrisvar í viku til Manchester og einnig til Glasgow í Skotlandi. Samtals munu Easy Jet, Icelandair og Wow Air bjóða upp á 51 ferð á viku til Bretlands í vetur sem jafngildir rúmlega sjö ferðum á dag.

Ætla að bæta við

Forsvarsmenn Easy Jet íhuga að fjölga flugleiðunum til Íslands enn frekar samkvæmt því sem kemur fram í tilkynningu. Félagið rekur tuttugu og tvær starfsstöðvar í Evrópu, þar af eru tíu utan Bretlands og brátt opnar sú ellefta í Hamborg í Þýskalandi. Í ljósi þess að nú geta farþegar Easy Jet flogið beint milli Íslands og fjögurra breskra flugvalla verður að teljast líklegt að næsta flugleið félagsins til Íslands verði frá meginlandinu. Easy Jet gerir til dæmis út frá fimm flugvöllum í Frakklandi og tveimur í Sviss.

Fylgstu með Túrista á Facebook

TILBOÐ: 15% afsláttur af gistingu í Kaupmannahöfn
BÍLALEIGUBÍLL: Rentalcars lofar lægsta verðinu

Mynd: Easy Jet

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …