Samfélagsmiðlar

Lokun bandarískra ríkisstofnanna hefur lítil áhrif á ferðamenn

Sjö hundruð þúsund bandarískir ríkisstarfsmenn voru neyddir í launalaust leyfi í nótt. Þeir ferðamannastaðir sem eru vanalega ókeypis munu ólíklega opna í dag en allt mun ganga sinn vanagang á flugvöllunum vestanhafs.

Rétt við þinghúsið á Capitol Hill í höfuðborg Bandaríkjanna er að finna nokkur af þeim nítján söfnum sem tilheyra Smithsonian stofnuninni. Þessi söfn teljast til þeirra merkustu í heimi og aðgangur að þeim er frír. Ferðamenn sem leggja leið sína til Washington eru því líklegir til að ætla sér að heimsækja eitt eða fleiri Smithsonian söfn í ferðinni. En vegna ósættis á bandaríska þinginu hafa safnverðirnir verið sendir í launalaust leyfi og sömu sögu er að segja um hátt í sjö hundruð þúsund ríkisstarfsmenn vestanhafs.

Aðeins söfn í eigu ríkisins munu loka vegna ástandsins samkvæmt fréttum bandarískra netmiðla. Aðgangur að þjóðgörðum verður líka takmarkaður á meðan deilunni stendur. Að öðru leyti ættu ferðamenn vestanhafs ekki að finna mikið fyrir deilunni og til að mynda verður allt með hefðbundnu sniði í vopnaleitinni á bandarískum flugvöllum.

Sjúkrahús og löggæsla þar í landi eru alla jafna á ábyrgð fylkja og sveitarfélaga og deilan á þinginu hefur því ekki áhrif á starfssemina.

TILBOÐ: 15% AFSLÁTTTUR Á GÓÐU HÓTELI Í KAUPMANNAHÖFN
BÍLALEIGA: RENTALCARS LOFAR LÆGSTA VERÐINU

 

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …