Samfélagsmiðlar

Lufthansa gefur eftir flugið til Íslands

Stærsta flugfélag Þýskalands og eitt það stærsta í heimi hættir að fljúga hingað til lands. Dótturfélag fyrirtækisins tekur við keflinu.

Undanfarin ár hefur þýska flugfélagið Lufthansa flogið beint til Keflavíkur frá Berlín, Dusseldorf og Hamburg í Þýskalandi. Flug til Íslands heyrir þó brátt sögunni til hjá félaginu. Það staðfestir talskona félagsins við Túrista. Hún segir að félagið ætli að einbeita sér að flugi til og frá Frankfurt og Munchen en láta dótturfélagi Lufthansa, German Wings, eftir allar aðrar flugleiðir. Það er ekki á döfinni hjá stjórnendum Lufthansa að hefja flug hingað frá Frankfurt eða Munchen.

German Wings verður eitt það umsvifamesta í Keflavík

Með þessum breytingum fjölgar flugleiðum lággjaldaflugfélagins German Wings frá Íslandi úr tveimur í fimm. Því auk flugs til Dusseldorf, Hamborgar og Berlínar þá mun félagið áfram bjóða upp á ferðir til Kölnar og Stuttgart í sumar líkt og undanfarin ár. German Wings er eina félagið sem flýgur héðan til Kölnar en sumarið 2012 spreyttu bæði Iceland Express og Wow Air sig á flugi til þýsku borgarinnar.

Af erlendu flugfélögunum á Keflavíkurflugvelli þá eru það bara Airberlin og Easy Jet bjóða upp á flug til jafn margra staða og German Wings mun gera næsta sumar.

Uppfært: Öfugt við yfirlýsingar talsmanns Lufthansa þá mun félagið halda áfram að sinna flugi milli Dusseldorf og Keflavíkur sumarið 2014.

BÍLALEIGA: Rentalscars.com lofar lægsta verðinu
TILBOÐ: 15% afsláttur á góðu hóteli í Kaupmannahöfn

Mynd: Lufthansa

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …