Samfélagsmiðlar

Einn flugþjónn í verkfall

Fyrsta vinnustöðvunin í sögu norska lággjaldaflugfélagsins Norwegian hófst á miðnætti. Aðgerðin mun þó engin áhrif hafa á flugáætlunina, alla vega til að byrja með.

Ekki tókst að ná lendingu í deilu Norwegian flugfélagsins við norskar og danskar áhafnir á samningafundi sem endaði í nótt. Fyrsta verkfallið í sögu félagsins hófst því á miðnætti þegar hinn 43 ára flugþjónn, René-Charles Gustavsen, lagði niður störf. Samkvæmt frétt Aftenposten er þetta fámennasta verkfallið í sögu Noregs.

Innan nokkurra daga er reiknað með að um tólf hundruð kollegar flugþjónsins í Danmörku og Noregi muni einnig fara í verkfall en vegna mismunandi reglna um vinnustöðvanir í löndunum tveimur er ekki hægt að samræma aðgerðir betur en þetta. Gustavsen situr í stjórn stéttarfélagsins og sagði hann í samtali við Aftenposten að það hafi verið eðlilegast að kjörinn fulltrúi starfsmanna riði á vaðið svo hægt væri að hefja aðgerðirnar. Flugþjónninn ætlar hins vegar ekki að standa verkfallsvakt næstu daga heldur reyna að finna lausn á deilunni.

Hóta að fella niður frímiða

Í dag eru danskar áhafnir Norwegian með samning við móðurfélagið í Noregi en yfirmenn Norwegian vilja færa samningana yfir á danskt dótturfélag. Það sætta starfsmennirnir sig ekki við og einnig blandast inn í deiluna ósætti með lífeyrisréttindi og önnur kjaramál. Á samningafundinum í nótt var reynt til þrautar að finna lausn samkvæmt norskum fjölmiðlum en sms skeyti frá forstjóra félagsins hleypti illu blóði í samninganefnd starfsmanna. Í skeytinu var tilkynnt að vegna deilunnar myndi Norwegian leggja niður starfsstöðvar sínar á öllum norskum flugvöllum nema í Osló, rétturinn á flugmiðum á starfsmannakjörum yrði felldur niður í þrjú ár og verktakafyrirtæki myndi taka yfir allar áhafnir Norwegian á Kaupmannahafnarflugvelli. Fulltrúi starfsmanna segir þessa hótun skammarlega.

Norwegian flýgur til Keflavíkur frá Osló og Bergen og farþegar þess hér á landi ættu að fylgjast með heimasíðu félagsins til að fá nánari upplýsingar um breytingar á ferðaáætlun næstu daga.

BÍLALEIGUBÍLAR: Gerðu verðsamanburð á bílaleigubílum
TILBOÐ: 15% AFSLÁTTUR Á HÓTELI VIÐ RÁÐHÚSTORGIÐ Í KÖBEN

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …