Samfélagsmiðlar

Biðja barþjóna um að gefa flugfarþegum minna að drekka

Á síðasta ári komu upp átta þúsund tilvik þar sem fullir flugfarþegar voru til mikilla vandræða í háloftunum. Samtök flugfélaga biðla til flugvallarstarfsmanna.

Fréttir af útúrdrukknum flugfarþegum rata reglulega í fréttir enda veldur framkoma þeirra oft miklum usla um borð. Þetta vandamál var til umræðu á ársfundi IATA, alþjóðlegra samtaka flugfélaga, nýverið og vilja forráðamenn þeirra meina að of margir farþegar stígi ofurölvi um borð. Vandamálið skrifist því ekki á vinveitingar í vélunum heldur á barina í flugstöðvunum.

Samtökin beina því þeim tilmælum til starfsmanna á veitingastöðum í brottfararsölum flughafna að hætta að afgreiða drukkna viðskiptavini. Segir ritari IATA að þessi ósk sé sett fram til að auka öryggi farþega og áhafna.

Samkvæmt frétt danska vefmiðilsins Standby voru teknar skýrslur af átta þúsund farþegum á síðasta ári sem höfðu ollið vandræðum með hegðun sinni.

Fullir sólarlandagestir á svartan lista

Líkt og Túristi greindi frá þá kom til tals í Noregi að allir þeir sem gerst hafi sekir um dólgslæti í flugi eða í skipulögðum sólarlandaferðum verði settir á svartan lista og fái ekki að kaupa fleiri ferðir. Forsvarsmenn flugfélagains Turkish Airlines hafa einnig áhyggjur og hafa íhugað að hætta að veita vín í Rússlandsflugi félagsins eftir að hafa endurtekið þurft að biðja lögregluna um að sækja drukkna rússnenska ólátabelgi í vélar félagsins.

Enn sem komið er hefur þó ekki verið gripið til þessara aðgerða og kannski gerist þess ekki þörf ef barþjónar á flugstöðvum neita fullum farþegum oftar um fleiri drykki.

GERÐU VERÐSAMANBURÐ Á HÓTEL OG BÍLALEIGUBÍLUM

SÓLARLANDAFERÐIR Á TILBOÐI

NÝJAR GREINAR: Soltinn í SeattleHvað kostar maturinn um borð?
TILBOÐ: 15% AFSLÁTTUR AF HÓTELGISTINGU Í KAUPMANNAHÖFN OG 10% AF HÓTELÍBÚÐUM Í BERLÍN


Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …