Samfélagsmiðlar

Aldrei eins margir Kanadabúar á Íslandi

Flugsamgöngur milli Íslands og Kanada hafa ekki áður verið jafn góðar. Kanadískum ferðamönnum fjölgar hratt hér á landi.

Í síðasta mánuði innrituðu 4.020 kanadískir farþegar sig í flug frá Keflavíkurflugvelli. Þeir hafa ekki áður verið jafn margir í einum mánuði samkvæmt talningu Ferðamálastofu. Til samanburðar má nefna að árin 2004 til 2006 komu hingað um fjögur þúsund Kanadamenn á ári.

Fyrstu fimm mánuði þessa árs er fjöldinn hins vegar kominn uppí 11.318. Það er tvöföldun frá sama tímabili í fyrra.

Ekki lengur hömlur á flugi

Icelandair hóf flug að nýju til Kanada árið 2007 þegar Halifax bættist við leiðakerfi félagins. Ári síðar var jómfrúarferðin til Toronto farin og í framhaldinu fjölgaði ferðamönnum frá Kanada úr 4.424 í 10.568.

Í nóvember síðastliðnum var hömlum á flugi frá Íslandi til Kanada aflétt og í kjölfarið flaug Icelandair í fyrsta skipti til Toronto yfir vetrarmánuðina. Það hafði þau áhrif að ferðamannastraumurinn frá Kanada tók aftur mikinn kipp í vetur og sú þróun hélt áfram í vor þegar Icelandair hóf flug til Edmonton í mars og Vancouver í maí. „Það á það sama við um Kanada og aðra áfangastaði í Norður Ameríku. Aukin eftirspurn kemur í kjölfar aukinnar fjárfestingar okkar á markaðnum – í kjölfar þess að við fjölgum áfangastöðum, aukum tíðni eða fljúgum yfir lengra tímabil.“ segir Guðjón Arngrímsson, upplýsingafulltrúi Icelandair, aðspurður um þessi aukningu í komum ferðamanna frá Kananda.

Áttfaldaðist á áratug

Á árunum 2003 til 2013 fjölgaði erlendum ferðamönnum hér á landi um rúm 150 prósent en á sama tíma rúmlega áttfaldaðist fjöldi kanadískra túrista. Þeir eru nú áttunda fjölmennasta þjóðin í hópi ferðamanna samkvæmt tölum Ferðamálastofu. Í því ljósi er áhugavert að velta fyrir sér hvort fleiri kanadískar borgir bætist við leiðakerfi Keflavíkurflugvallar á næstunni. Í dag flýgur Icelandair til þriggja af fimm fjölmennustu borgum landins auk Halifax sem er í fjórtánda stæti. Montreal í Quebec fylki er næststærsta borg Kanada og verður að teljast líklegur kandídat ásamt Quebec City. Í síðarnefndu borginni búa um sjö hundruð þúsund manns og líkt og í Edmonton er framboð á flugi þaðan til Evrópu mjög takmarkað.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …