Samfélagsmiðlar

Delta fjölgar ferðum um fimmtung

Á fimmtudaginn hefst á ný sumarflug bandaríska flugfélagsins Delta. Adrei áður hefur félagið boðið upp á jafn margar ferðir til og frá Keflavík og með tilkomu félagsins eykst framboð á ferðum héðan til New York um nærri fjörtíu prósent.

Yfir veturinn er Icelandair eina flugfélagið sem flýgur héðan vestur um haf en á sumrin bætist við áætlunarflug Delta til New York. Bandaríska félagið bauð í fyrsta skipti upp á flug til Keflavíkur sumarið 2011 og hefur fjölgað ferðum sínum hingað jafnt og þétt milli ára. Í sumar mun félagið í fyrsta skipti bjóða upp á daglegar brottfarir og aukast umsvifin um fimmtung frá því í fyrra. „Því er spáð að ferðamönnum frá Bandaríkjunum til Íslands fjölgi um 30 prósent á þessu ári og Delta er að bregðast við þessum vaxandi áhuga með því að fjölga flugferðum,” segir Perry Cantarutti, forstjóri Delta í Evrópu í tilkynningu frá félaginu.

Cantarutti bendir jafnframt á að fjölgun ferða opni líka möguleika fyrir þá sem hefja ferðalagið á Íslandi en Delta tók nýlega í notkun nýja flugstöð á JFK flugvelli í New York og þaðan er hægt að fljúga áfram til 50 áfangastaða í Bandaríkjunum og Suður-Ameríku.

25 ferðir í viku til New York

Icelandair flýgur til tveggja flugvalla í nágrenni við Manhattan allt árið um kring. Í sumar flýgur félagið tvær ferðir á dag til JFK flugvallar og fjórar í viku til Newark. Þar með verða farnar 25 ferðir í viku frá Keflavík áleiðis til New York borgar yfir aðalferðamannatímann í ár. Íslandsflug Delta hefst á fimmtudaginn.

GERÐU VERÐSAMANBURÐ Á GISTINGU Í NEW YORK

TILBOÐ Á SÓLARLANDAFERÐUM
NÝJAR GREINAR: DÝRT AÐ TAKA TVÆR TÖSKUR MEÐ Í FRÍIÐ
SÓLARSTRENDUR SUMARSINS

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …