Samfélagsmiðlar

WOW air sjöunda besta lággjaldaflugfélag Evrópu

Í flokki lágfargjaldaflugfélaga þykir hið íslenska WOW air vera eitt af þeim fremstu í Evrópu. Hér eru listar þeirra félaga sem þykja standa sig best í að flytja fólk á milli staða. MEIRA

 

 

Í flokki lágfargjaldaflugfélaga þykir hið íslenska WOW air vera eitt af þeim fremstu í Evrópu. Hér eru listar þeirra félaga sem þykja standa sig best í að flytja fólk á milli staða.

Forsvarsmenn nokkurra flugfélaga höfðu ástæðu til að gleðjast í gær þegar hin árlega Skytrax verðlaunaafhending fór fram á flugsýningunni í Farnborough. Þar eru veitt verðlaun til tíu félaga í nokkrum mismunandi flokkum og er niðurstaðan byggð á áliti nærri 19 milljóna flugfarþega um allan heim. Farþegar í meira en 160 löndum tóku þátt í síðustu könnun sem tók til samtals 245 flugfélaga.

Sex af tíu fljúga til Keflavíkur

Þau flugfélög sem skipa fjögur efstu sætin á listanum yfir bestu lágfargjaldaflugfélögin í Evrópu fljúga öll til Íslands. Í sjöunda sæti er WOW air og í því tíunda er Flybe sem hóf nýlega Íslandsflug.

WOW air fær sína hæstu einkunn, 4,5 stjörnur, fyrir að veita upplýsingar á fjölda tungumála á heimasíðu sinni en fær eina stjörnu fyrir neytendaþjónustu á vefsíðu, netinnritun og afþreyingu um borð. Þess ber að geta að eingöngu átján farþegar hafa lagt dóm sinn á WOW air en til samanburðar má geta að hátt í þrjú hundruð manns hafa sagt skoðun sína á Norwegian og rúmlega fimmtán hundruð á easyJet.

Listar þeirra bestu

Bestu flugfélögin

 Á heimsvísuÍ Evrópu
1.Cathay Pacific AirwaysTurkish Airlines
2.Qatar AirwaysLufthansa
3.Singapore AirlinesSwiss
4.EmiratesBritish Airways
5.Turkish AirlinesAustrian
6.ANA All NipponAir France
7.Garuda IndonesiaAegen Airlines
8.Asiana AirlinesKLM
9.EtihadVirgin Atlantic
10.LufthansaFinnair

 

Bestu lágfargjaldaflugfélögin

 Á heimsvísuÍ Evrópu
1.Air AsiaNorwegian
2.Air Asia XeasyJet
3.NorwegianGerman Wings
4.Jet Star AirwaysFlyNiki
5.IndiGoairBaltic
6.easyJetWizz Air
7.WestJetWOW air
8.Virgin AmericaPegasus Airlines
9.JetStar AsiaOnur Air
10.ScootflyBe

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

 

 

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …