Samfélagsmiðlar

Greenland Express hættir flugi til Íslands

Síðustu mánuði hefur Greenland Express boðið upp á ferðir milli Danmerkur og Grænlands með viðkomu á Íslandi. Nú verður tekið hlé á starfseminni og ætlunin er að byrja á ný með stærri flugvél og engum íslenskum áfangastað.

 

 

Síðustu mánuði hefur Greenland Express boðið upp á ferðir milli Danmerkur og Grænlands með viðkomu á Íslandi. Nú verður tekið hlé á starfseminni og ætlunin er að byrja á ný með stærri flugvél og engum íslenskum áfangastað.

Það gekk brösuglega hjá Greenland Express nú í byrjun sumars og fyrstu ferðir félagsins voru felldar niður. Einnig voru gerðar breytingar á leiðakerfinu og ekkert var úr flugi til og frá Akureyri. Í júlí og ágúst bauð félagið hins vegar upp á tvær ferðir í viku frá Álaborg í Danmörku til Narsarsuaq á Grænlandi með millilendingu í Kaupmannahöfn og Keflavík. Nú verður hins vegar gert hlé á starfseminni og ætla forsvarsmenn félagsins að leita leiða til að bjóða upp á beint flug milli Danmerkur og Grænlands og þar af leiðandi að hætta flugi hingað.

Haft er eftir Gert Brask í vefmiðlinum Checkin.dk að það hafi reynst óhagkvæmt að millilenda á Íslandi og verið erfitt að fá bókunarkerfið til að virka sem skildi. Hann segir að stefnt sé að því að taka í gagnið nýja heimasíðu og bókunarkerfi og hefja svo áætlunarflug að nýju.

Þurfa stærri vélar

Greenland Express er ekki með flugrekstrarleyfi og leigir því vélar og áhafnir frá Denim Air. Það félag hefur þó aðeins yfir að ráða vélum af gerðinni Fokker 100 en þær duga ekki til að fljúga beint milli Grænlands og Danmerkur. Millilendingin í Keflavík hefur því verið nauðsynleg. Forsvarsmenn félagsins vonast til að geta tekið á leigu Airbus A320 þotu og þannig komist hjá stoppinu hér á landi. Þess má geta að Greenland Express er íslenskt einkahlutafélag með aðsetur í Lágmúla 7 í Reykjavík.

Með þessum breytingum á leiðakerfi Greenland Express fækkar ferðunum milli Keflavíkur og Kastrup um tvær í viku en í júlí og ágúst var Kaupmannahöfn sú borg sem oftast var flogið til frá Keflavík samkvæmt talningu Túrista.

GERÐU VERÐSAMANBURÐ Á HÓTELUM

TILBOÐ Í KAUPMANNAHÖFN: 15% AFSLÁTTUR Á GÓÐU HÓTELI
NÝJAR GREINAR: TVÖFALT HÆRRA GISTINÁTTAGJALD
FLOGIÐ Í SKÍÐABREKKURNAR

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …