Samfélagsmiðlar

Eingöngu Heathrow með fleiri flug til Boston en Keflavík

Bráðlega verður flogið fjórum sinnum á dag héðan til Logan-flugvallar við Boston. Það eru eingöngu flugfarþegar á stærsta flugvelli Evrópu geta valið úr fleiri ferðum til borgarinnar.

 

 

 

Bráðlega verður flogið fjórum sinnum á dag héðan til Logan-flugvallar við Boston. Það eru eingöngu flugfarþegar á stærsta flugvelli Evrópu geta valið úr fleiri ferðum til borgarinnar.

Í lok mars hefst áætlunarflug WOW air til Boston í Bandaríkjunum og mun félagið fljúga þangað sex sinnum í viku allt árið um kring. Icelandair hefur um langt árabil flogið til borgarinnar og býður upp á þrjár ferðir á dag þangað yfir aðalferðamannatímabilið. Á öðrum tímum ársins fljúga þotur félagsins til Boston allt að tvisvar á dag.

Eingöngu Heathrow með fleiri ferðir

Frá og með vorinu geta farþegar í Keflavík því valið á milli fjögurra ferða á dag til Boston með Icelandair og WOW air. Það er meiri úrval en farþegar á stærstu flugvöllum Evrópu hafa úr að moða. Samkvæmt athugun Túrista er flogið allt að þrisvar á dag til Boston frá París en tvisvar frá Amsterdam, Frankfurt og Dublin. Flestar eru ferðirnar frá Heathrow flugvelli eða sex á dag. Heathrow er stærsta flughöfn Evrópu og fóru ríflega 72 milljónir farþega um völlinn á síðasta ári. Í Flugstöð Leifs Eiríkssonar var farþegafjöldinn í fyrra 3,2 milljónir.

Einu fulltrúar Norðurlanda

Logan flugvöllur í Boston er sá nítjándi stærsti í Bandaríkjunum í farþegum talið. Tíu evrópsk flugfélög fljúga þangað reglulega en Icelandair hefur hingað til verið eina norræna félagið í Boston. Á því verður breyting í þann 27.mars þegar vél á vegum WOW air fer í jómfrúarflug félagsins til austurstrandar Bandaríkjanna.

SÉRVALIN HÓTEL Á VEGUM TABLET HOTELS:

BERLÍN: 15% AFSLÁTTUR Á THE DUDE Í NÓV.KÖBEN: NÓTTIN FRÁ 20 ÞÚSUND Á HOTEL 27LONDON: ROCKWELL FRÁ 17 ÞÚSUND KR.

 

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …