Samfélagsmiðlar

Íslensku flugfélögin áfram í dvala á jóladag

Hingað til hefur allt millilandaflug frá Keflavík legið niðri á jóladag en svo verður ekki í dag. Forsvarsmenn Icelandair og WOW air segja fáa vilja vera á ferðinni á þessum degi.

 

 

Hingað til hefur allt millilandaflug frá Keflavík legið niðri á jóladag en svo verður ekki í dag. Forsvarsmenn Icelandair og WOW air segja fáa vilja vera á ferðinni á þessum degi.

Um langt árabil hafa flugsamgöngur til og frá landinu stöðvast á jóladag. Á því verður breyting í dag þegar vél á vegum easyJet lendir á Keflavíkurflugvelli seinnipartinn og flýgur tilbaka til Genfar í Sviss um fimm leytið. Fleiri flugferðir eru ekki á dagskrá. Samkvæmt upplýsingum frá Isavia verða nokkrir tugir starfsmanna á vakt í Flugstöð Leifs Eiríkssonar í dag sem er sambærilegur fjöldi og venjulega þegar lítil eða engin umferð er um flugvöllinn. „Þannig verður ávallt að viðhalda flugvernd og vera hægt að opna þjónustu við farþega í flugstöðinni með skömmum fyrirvara ef flugvél í yfirflugi þarf að lenda. Auk þess eru starfsmenn í flugturni og úti á flugvellinum ávallt á vakt,“ segir Friðþór Eydal upplýsingafulltrúi Isavia.

Auk starfsmannanna á Keflavíkurflugvelli þá munu rútufyrirtækin Grayline og Kynnisferðir ræsa út mannskap til að flytja farþega til og frá flugstöðinni.

Ekki mikil eftirspurn eftir ferðum í dag

Líkt og Túristi greindi frá þá kostaði um þrefalt meira að kaupa flugmiða hingað frá Sviss í dag en það kostaði að fljúga héðan. Það er vísbending um að mun fleiri muni koma til landsins í dag en fara frá því. „Stefna okkar er að fólk geti flogið með okkur á þeim tímum og til þeirra staða sem það vill. Hingað til hefur ekki verið mikil eftirspurn eftir flugi á jóldag og því hefur það ekki verið í boði. Það er ólíklegt að við setjum slíkt á að öllu óbreyttu,“ segir Birgir Jónsson, aðstoðarframkvæmdastjóri WOW air, aðspurður hvort fyrirtækið sjái sér hag í að bjóða upp á áætlunarflug á jóladag. Guðjón Arngrímsson, upplýsingafulltrúi Icelandair, segir að fáir vilji vera á ferli akkúrat núna og áætlun Icelandair taki mið af því.

Aukin umferð á aðfangadag

Á aðfangadag í fyrra fóru aðeins tvær vélar frá landinu en í gær voru ferðirnar sex talsins og síðasta vélin fór í loftið um hádegi. Á morgun, annan dag jóla, verða brottfarirnar hins vegar 28 talsins enda taka þá öll flugfélög upp hefðbundna áætlun að nýju.

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …