Samfélagsmiðlar

Íslensku flugfélögin eru ein í Boston

boston stor

Flugfélög frændþjóðanna bjóða ekki upp á áætlunarflug til og frá Logan flugvelli við Boston. Flugfélög frændþjóðanna bjóða ekki upp á áætlunarflug til og frá Logan flugvelli við Boston. Íslenskir flugfarþegar geta hins vegar valið úr allt að fjórum ferðum á dag til borgarinnar.
WOW air fór jómfrúarferð sína til Boston í Bandaríkjunum á laugardaginn og mun félagið bjóða upp á sex ferðir í viku til borgarinnar allt árið um kring. Þar með geta farþegar hér á landi valið á milli allt að fjögurra brottfara á dag til Boston því Icelandair flýgur þangað tvisvar til þrisvar á hverjum degi.
Það er meiri úrval en farþegar á stærstu flugvöllum Evrópu hafa úr að moða. Samkvæmt athugun Túrista er flogið allt að þrisvar á dag til Boston frá París en tvisvar frá Amsterdam, Frankfurt og Dublin. Flestar eru ferðirnar frá Heathrow flugvelli eða sex á dag. Heathrow er stærsta flughöfn Evrópu og fóru ríflega 70 milljónir farþega um völlinn á síðasta ári. Í Flugstöð Leifs Eiríkssonar var farþegafjöldinn í fyrra 3,9 milljónir.

Hvað gerir SAS?

Icelandair hefur lengi verið eina norræna flugfélagið með starfsemi í Boston og nú hefur WOW air bæst þar við. Orðrómur hefur verið á kreiki um að SAS ætli að koma sér þar fyrir í haust og bjóða upp á ferðir frá Ósló en það hafa forsvarsmenn skandinavíska félagsins ekki viljað staðfesta. Þetta er ekki í fyrsta skipti sem flugfélög frændþjóðanna eru orðuð við borgina því fyrir tveimur árum lét talsmaður Finnair hafa það eftir sér að félagið væri að íhuga áætlunarflug til Boston en úr því varð ekki.
Í síðasta mánuði var Boston í fimmta til sjötta sæti yfir þær borgir sem oftast er flogið til frá Keflavíkurflugvelli.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …