Samfélagsmiðlar

Áætlunarflug til 57 borga í júní

london oxfordstraeti

Farþegar á Keflavíkurflugvelli gátu flogið beint til 57 borga í Evrópu og N-Ameríku í síðasta mánuði. Í sumum tilvikum eru ferðirnar þó sárafáar á hvern stað. Farþegar á Keflavíkurflugvelli gátu flogið beint til 57 borga í Evrópu og N-Ameríku í síðasta mánuði. Í sumum tilvikum eru ferðirnar þó sárafáar á hvern stað.
Valkostum íslenskra flugfarþega fer sífellt fjölgandi því nýir staðir bætast við leiðakerfi flugfélaganna og ferðunum á þá vinsælustu fjölgar. Í júní síðastliðnum var boðið upp á áætlunarflug til 57 borga en þær voru 51 í júní í fyrra samkvæmt talningu Túrista. Alls voru áætlunarferðirnar 1836 talsins eða um sextíu á dag. Það er fimmtungs aukning frá sama tíma á síðasta ári.

Bandarískar borgir færast ofar

Sem fyrr eru ferðirnar flestar til London og Kaupmannahafnar en bandarísku borgirnar New York, Boston og Washington fara hærra á listann. Munar þar mestu um að WOW air hefur hafið áætlunarflug til þeirra tveggja síðarnefndu og Delta flýgur einnig oftar til New York en áður.
Berlín kemst í fyrsta sinn inn á lista yfir þær 10 borgir sem oftast er flogið til frá Keflavíkurflugvelli og ástæðan er sú að þýsku flugfélögin Airberlin og German Wings fljúga nú þangað í samkeppni við WOW air.

Þær borgir sem oftast var flogið til í júní

1. London: 8,4% allra brottfara
2. Kaupmannahöfn: 8,2% allra brottfara
3. París 6,6% allra brottfara
4. New York: 6,5% allra brottfara
5. Boston: 6,2% allra brottfara
6. Ósló: 5,6% allra brottfara
7. Amsterdam: 4,3% allra brottfara
8.-9. Washington: 3,5% allra brottfara
8.-9. Stokkhólmur: 3,5% allra brottfara
10. Frankfurt: 2,9% allra brottfara
10. Berlín: 2,9% allra brottfara

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …