Samfélagsmiðlar

5 umsvifamestu flugfélögin á Keflavíkurflugvelli í júlí

fle 860

Tvö þúsund áætlunarferðir til 56 erlendra áfangastaða voru á boðstólum fyrir farþega í Flugstöð Leifs Eiríkssonar í síðasta mánuði. Tvö þúsund áætlunarferðir til 56 erlendra áfangastaða voru á boðstólum fyrir farþega í Flugstöð Leifs Eiríkssonar í síðasta mánuði.
Að jafnaði voru farin 65 áætlunarflug á dag frá Keflavíkurflugvelli í síðasta mánuði sem er níu ferðum meira en á sama tíma í fyrra samkvæmt talningum Túrista. Langflest flugfélögin bættu við ferðum milli ára en hlutfallslega var aukningin mest hjá easyJet (40%) og WOW air (35%). Icelandair stóð hins vegar undir mestri viðbótinni því vélar félagsins tóku 132 sinnum oftar á loft frá Flugstöð Leifs Eiríkssonar í júlí en á sama tíma í fyrra. Hjá WOW fjölgaði ferðum um liðlega áttatíu og um þrjátíu hjá easyJet. Í heildina fjölgaði áætlunarferðum frá flugvellinum um 268 samkvæmt útreikningum Túrista. 

Yfirburðir íslensku félaganna

Þó ferðunum fjölgi og fleiri erlend félög bæti í Íslandsflugið þá er staða íslensku flugfélaganna áfram mjög sterk á Keflavíkurflugvelli því í átta af hverjum tíu tilfellum eru það þotur merktar Icelandair eða WOW air sem taka á loft frá flugvellinum. easyJet er í þriðja sæti en félagið var í byrjun árs næst umsvifamesta flugfélagið á Keflavíkurflugvelli enda fjölgar félagið ferðum sínum mjög á þeim tíma en dregur úr fluginu hingað yfir hásumarið.

Vægi umsvifamestu flugfélaganna í brottförum talið

 
 FlugfélagHlutdeild júlí 2015Hlutdeild júlí 2014
1.Icelandair62,6%64,6%
2.WOW air16,1%13,8%
3.easyJet4,2%3,5%
4.Airberlin3,6%3,3%
5.SAS2,4%2,4%
Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …