Samfélagsmiðlar

Sólarlandaferðir frá Akureyri seljast vel

strond sarah machtsachen

Það munu fleiri fljúga beint frá höfuðstað Norðurlands og suður á bóginn í haust en árin þar á undan. Sala sólarlandaferðum frá þriðja stærsta flugvelli landsins hefur gengið betur en gert var ráð fyrir. Það munu fleiri fljúga beint frá höfuðstað Norðurlands og suður á bóginn í haust en árin þar á undan. Sala sólarlandaferðum frá þriðja stærsta flugvelli landsins hefur gengið betur en gert var ráð fyrir.
Síðustu ár hafa Heimsferðir boðið upp á eina ferð að hausti frá Akureyri til Tenerife en í ár verða brottfarirnar tvær þar sem sú fyrri seldist upp. Haustferð eldri borgara til Kanarí frá Akureyrarflugvelli, á vegum ferðaskrifstofunnar, er einnig uppseld að sögn Tómasar Gestssonar, framkvæmdastjóra Heimsferða

Salan tók kipp í júlí

Norðlendingar setja hins vegar ekki aðeins stefnuna á Kanaríeyjar því sala á Tyrklandsreisum Nazar frá Akureyri í október gengur vel. Þetta er í fyrsta skipti sem þessi norræna ferðaskrifstofa býður upp á beint flug frá Akureyri og alls verða ferðirnar til Antalya fjórar talsins. Þetta aukna úrval á sólarlandaferðum frá Akureyri virðist hafa hitt í mark því nú er nærri uppselt í fyrri tvær brottfarirnar hjá Nazar.

Kemal Yamanlar, framkvæmdastjóri ferðaskrifstofunnar, segir að viðtökurnar fyrir norðan hafi verið framar vonum en bætir því við að salan hafi verið hæg framan af en tekið kipp í júlí og flestir bóki hótel þar sem boðið er upp á íslenska barnaklúbba. „Þeir sem ferðast með okkur í ár munu mæla með Nazar við vini og ættingja og við munum að minnsta kosti bjóða upp á jafnmargar ferðir frá Akureyri á næsta ári.“

Borgarferðir líka eftirsóttar

Það stefnir því í að farþegar á Akureyrarflugvelli muni geta valið úr mun fleiri sólarlandaferðum á næsta ári en í fyrra og árin þar á undan og jafnvel líka borgarferðum því nú er uppselt í haustferð Vita til Dublin frá Akureyri og aðeins þrjú sæti laus í ferð Tranatlantic til Malaga.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …