Samfélagsmiðlar

Engin rök fyrir því að byggja gróðurhús á Keflavíkurflugvelli

fle 860

Bygging Flugstöðvar Leifs Eiríkssonar var mjög umdeild framkvæmd á sínum tíma og þingmennirnir Ólafur Ragnar Grímsson og Steingrímur J. Sigfússon vildu fara allt aðra leið en meirihlutinn samþykkti að lokum.
Í vikunni kynntu forsvarsmenn Isavia tillögur að uppbyggingu Keflavíkurflugvallar fram til ársins 2040 og er reiknað með að verulegri stækkun flugvallarsvæðisins og fjölda nýbygginga. Enn á ný verður því byggt við Flugstöð Leifs Eiríkssonar sem tekin var í notkun fyrir 28 árum síðan. Sú framkvæmd hafði hins vegar mjög langan aðdraganda og var hún umdeild. Ekki síst fjármögnunin en þingmenn Alþýðubandalagsins vildu ekki leita til styrkja hjá Bandaríkjastjórn líkt og almennt var meirihluti fyrir. Um það sagði Ólafur Ragnar Grímsson, þáverandi þingmaður Alþýðubandalagsins og núverandi forseti lýðveldisins, árið 1979: „Ef þessi þjóð hefur ekki efni á að byggja flugstöð fyrir samgöngukerfi sitt við aðrar þjóðir hefur hún í raun og veru ekki efni á að vera sjálfstæð þjóð.“ Að lokum fór hins vegar svo að Bandaríkjamenn borguðu um helming byggingakostnaðarins og í staðinn átti bandaríski herinn, og á kannski enn, heimtingu á því að nota flugstöðina sem varasjúkraskýli ef á þarf að halda.

Tvöfalt stærra en stærsta gróðurhúsið

Fimm árum síðar lagði Ólafur Ragnar ásamt flokksbræðrum sínum Steingrími J. Sigfússyni og Skúla Alexanderssyni fram tillögu að breyttum áherslum stærð og útlit flugstöðvarbyggingarinnar. Steingrímur J. flutti tillöguna og í ræðu hans gagnrýnir hann mikla notkun á gleri í byggingunni: „Eins og menn vita er þar um að ræða mikinn kassa á tveimur hæðum, um 6000 fermetrar hvor, og inni í þeirri byggingu er mikið gróðurhús sem, eins og fram hefur komið nýlega í blöðum, mun vera tvöfalt stærra en stærsta gróðurhús á Íslandi, 38 þúsund rúmmetrar að stærð.” Í lok ræðunnar gagnrýndi Steingrímur á ný glernotkunina: „Í raun og veru sjást engin skynsamleg rök fyrir því að byggja þetta gróðurhús þarna suður á Keflavíkurflugvelli á einhverjum veðrasamasta stað landsins.“

Vildu byggja flugstöð sem auðvelt er að bæta við

Þingmennirnir þrír vildu einnig fylgja fordæmi nágrannaþjóðanna og bygga flugstöð í áföngum: „…teljum við eðlilegra að taka til fyrirmyndar byggingar eins og reistar hafa verið á undanförnum árum og áratugum í mörgum nágrannatöndum. Má þar nefna flugstöðvarnar í Kaupmannahöfn, Osló, Stokkhólmi, London, Glasgow og Luxemburg. Þær fela í sér möguleika á áfangaskiptingu og hægt er þar að bæta við nýjum álmum eftir þörfum á hverjum tíma. Sú bygging sem nú er gerð tillaga um býður ekki upp á slíka möguleika. Hana verður að reisa alla í einu og gera fokhelda alla í einu án tillits til þess hver þörfin er fyrir bygginguna þegar í upphafi.” 

Sumum þykir kannski ósanngjarnt að rifja hér upp margra áratuga gamlar ræður og tillögur um Flugstöð Leifs Eiríkssonar. Sérstaklega núna þegar umferð um Keflavíkurflugvöll er langt umfram það sem nokkur sá fyrir. En það má velta fyrir sér hvort ekki hefði verið hægt að leysa húsnæðisvanda Keflavíkurflugvallar á einfaldari hátt ef flugstöðvarbyggingin hefði verið þannig úr garði gerð að auðvelt væri að byggja við hana líkt og Steingrímur J., Ólafur Ragnar og Skúli lögðu til á sínum tíma. Tillaga þeirra bar kannski vott um meiri fyrirhyggju en sú ákvörðun að byggja húsið eins og mannvirki sem aldrei myndi reynast of lítið.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …