Samfélagsmiðlar

Jólaferðir til Kanarí og Tenerife nær uppseldar

kanari strond

Það selst alla jafna upp í allar ferðir til spænska eyjaklasans fyrir jól og á því verður ekki breyting í ár. Það selst alla jafna upp í allar ferðir til spænska eyjaklasans fyrir jól og á því verður ekki breyting í ár.
Nær uppselt er í þær átta brottfarir sem í boði eru til Kanarí og Tenerife  fyrir hátíðirnar samkvæmt upplýsingum frá ferðaskrifstofunum. Tæplega fimmtán hundruð Íslendingar munu því fljúga til spænsku eyjanna rétt fyrir jól. Uppbókað var í hluta  jólaferðanna strax í haust en ennþá eru nokkur sæti laus í aðrar brottfarir. Jólareisur Ferðaskrifstofu Íslands, Heimsferða og Vita til Kanarí og Tenerife seljast alla jafna upp ár hvert. 

200 fleiri til Tenerife

Fjöldi þeirra Íslendinga sem heldur til Las Palmas á Kanarí er álíka og um síðustu jól eða rúmlega fimm hundrað talsins. Hins vegar fjölgar Íslendingum á Tenerife því með tilkomu áætlunarflugs WOW air þangað er hægt að fljúga með 200 fleiri farþega til eyjunnar í hverri viku en áður. Að sögn Þórs Bæring hjá Gaman ferðum, dótturfélagi WOW air, seldust síðustu jólaferðir ferðaskrifstofunar til Tenerife upp í október og þessi viðbót frá WOW air hefur því ekki komið niður á sölu hjá hinum ferðaskrifstofunum. Í heildina fljúga því um 900 Íslendingar til Tenerife rétt fyrir jól.

Óvissa á markaðnum

Nýverið tilkynntu forsvarsmenn WOW air að þeir myndu bæta við ferðum til Tenerife eftir áramót og auk þess hefja áætlunarflug til Kanarí. Þar með tvöfaldast framboð á ferðum til eyjanna og hægt verður að ferja um 1300 Íslendinga þangað í hverri viku. Heimildarmenn Túrista eru sammála um að ólíklega sé markaður hér á landi fyrir allar þessar ferðir og benda á flugvélarnar sem þangað fljúga eru nær eingöngu skipaðar íslenskum ferðalöngum þar sem hingað til hefur eftirspurn eftir Íslandsferðum meðal íbúa Kanaríeyja ekki verið nein.

Skandinavar fjölmenna einnig

Íslendingar eru ekki einir um að fjölmenna til Kanarí yfir vetrartímann og ótryggt stjórnmálaástand í Egyptalandi hefur orðið til þess að eftirspurn eftir Kanaríferðum hefur stóraukist hjá frændþjóðum okkar síðustu ár. Um síðustu jól voru fréttir af skorti á gistirými á eyjunum yfir hátíðirnar og voru danskir ferðalangar varaðir við að kaupa flugmiða þangað áður en þeir tryggðu sér gistingu. Samskonar ástand gæti skapast þar á ný á næstunni þar sem ástandið í Egyptalandi og N-Afríku, til dæmis Túnis, þykir ekki nógu traust fyrir erlenda ferðamenn.
GERÐU VERÐSAMANBURÐ Á HÓTELUM OG BÍLALEIGUBÍLUM

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …