Samfélagsmiðlar

Í dag stóreykst samkeppni í flugi héðan til Kaupmannahafnar

sas 860 a

Sögulegur dagur í flugi milli Íslands og Danmerkur því nú munu þrjú flugfélög bjóða upp á daglegar ferðir. Höfuðborg Danmerkur er sú borg sem Íslendingar heimsækja einna oftast og flugið þangað stór hluti af umsvifum íslensku flugfélaganna. Í dag hefur SAS flug á þessari flugleið í fyrsta skipti í meira en tvo áratugi.
Um 437 þúsund farþegar nýttu sér áætlunarferðir milli Keflavíkurflugvallar og Kaupmannahafnar í fyrra og fjölgaði þeim um sex af hundraði frá árinu á undan. Vélar Icelandair fljúga allt að fimm sinnum á dag til dönsku höfuðborgarinnar og WOW býður upp á eina til tvær ferðir. Framboð á flugi héðan til Kaupmannahafnar er meira en til annarra borga að Lundúnum undanskildum og hefur flugleiðin staðið undir um tíund af öllum ferðum íslensku félaganna tveggja samkvæmt talningum Túrista. 

Koma frá Kaupmannahöfn og Ósló

Í fyrra var Icelandair fjórtánda stærsta flugfélagið á Kaupmannahafnarflugvelli en þrátt fyrir þessi miklu umsvif íslensku fyrirtækjanna þá hafa þau ekki fengið samkeppni frá dönskum eða skandinavískum félögum. Á því verður hins vegar breyting í dag þegar SAS, stærsta flugfélag Norðurlanda, hefur flug til Íslands frá dönsku höfuðborginni. Mun félagið fljúga hingað daglega, allt árið um kring, líkt og það hefur gert frá Ósló um langt skeið. Með tilkomu SAS eykst framboð á ferðum héðan til Kaupmannahafnar töluvert og í júlí nk. fjölgar brottförunum til að mynda úr 172 í 195 eða um ríflega sjö af hundraði eins og sjá má á grafinu hér fyrir neðan.

Ísland ört stækkandi markaður

Að sögn Anna Nielsen, talskonu SAS, þá hefur Íslandsflugið fengið mjög fínar viðtökur og sérstaklega nú í kringum páskana. „Flugleiðin til Íslands frá Kaupmannahöfn hefur verið ein af þeim stærstu sem SAS hefur ekki verið með eigin áætlun á um langt skeið. En þar sem Ísland er ört stækkandi markaður trúum við að það sé pláss fyrir aukið framboð og sérstaklega þegar horft er til þess öfluga leiðakerfis sem við starfrækjum út um alla Skandinavíu og N-Evrópu.” Í Kaupmannahöfn er SAS langumsvifamesta flugfélagið með um 39 prósent af heildarfarþegafjöldanum í þessari stærstu flughöfn Norðurlanda.

Icelandair með þrjár af hverjum fjórum

Um helmingur farþega Icelandair eru farþegar sem fljúga með félaginu yfir hafið og millilenda aðeins á Íslandi og hlutfall þessa hóps mun vera álíka hátt hjá WOW air. Það er því óhætt að fullyrða að stór hluti þeirra sem nýtt hafa sér áætlunarflug íslensku félaganna til og frá Kaupmannahöfn hafa aðeins millilent á Keflavíkurflugvelli. Öðru máli gegnir um farþega erlendu flugfélaganna sem hingað fljúga því þeir eru í langflestum erlendir ferðamenn og svo íslenskir farþegar. Það mun líklega einnig eiga við um farþega í Kaupmannahafnarflugi SAS en í fyrra stóð fjöldi danskra ferðamanna hér á landi í stað. Sú þróun gæti snúist við með auknum umsvifum þessa stærsta flugfélags Norðurlanda á Keflavíkurflugvelli. Það verður einnig áhugavert að sjá hvaða áhrif Kaupmannahafnarflug SAS hefur á vægi Icelandair og WOW á þessari flugleið. Hlutdeild félaganna hefur nefnilega nánast staðið í stað síðustu ár, þrír af hverjum fjórum hafa flogið með Icelandair og fjórðungur með WOW.

SMÁAUGLÝSINGAR FERÐAÞJÓNUSTUNNAR: Húsnæði við Keflavíkurflugvöll til leigu

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …