Samfélagsmiðlar

Bæta við fjórðu flugleiðinni til Íslands

Fjölbreytni leiðakerfis Keflavíkurflugvallar eykst með auknum umsvifum eins stærsta lággjaldaflugfélags Evrópu.

wizz budapest

Áætlunarflug héðan til austurhluta Evrópu hefur verið mjög lítið og takmarkast við sumarflug WOW air til höfuðborga Póllands og Litháen eftir að Rússlandsflug Icelandair var lagt niður í hittifyrra. Síðastliðið vor hóf hins vegar ungverska lággjaldaflugfélagið Wizz Air að bjóða upp á áætlunarflug hingað frá Gdansk í Póllandi og nýverið bættust við reglulegar ferðir hingað frá Varsjá og Búdapest á vegum félagsins. Í lok október fer Wizz Air svo jómfrúarferð sína hingað frá Vilnius og mun starfrækja þá flugleið allt árið um kring. WOW air flýgur vikulega til Vilnius yfir sumarmánuðina og Wizz air verður því fyrsta félagið sem býður upp á vetrarflug milli Litháen og Íslands.

Skoða fleiri áfangastaði

Það stefnir því í að Wizz Air verði eitt umsvifamesta erlenda flugfélagið hér á landi yfir vetrarmánuðina en félagið er fimmta stærsta lággjaldaflugfélag Evrópu. Gabor Vasarhelyi, talskona þess, segist aðspurð ekki útiloka að flugið til Íslands eigi eftir að aukast enn frekar enda séu forsvarsmenn félagsins sífellt í viðræðum við flugvelli um hugsanlegar nýjar leiðir. Wizz Air er í dag með starfsstöðvar á 25 flugvöllum í austurhluta Evrópu og flýgur þaðan til fjölmargra áfangastaða um alla álfuna. Með auknum umsvifum félagsins hér á landi aukast því líkurnar á að borgir í Rúmeníu, Serbíu, Úkraínu og víðar bætist við þá staði sem flogið er beint til frá Keflavíkurflugvelli.

Hvað með Prag?

Ekkert varð úr áformum Czech Airlines, stærsta flugfélags Tékklands, um áætlunarflug hingað frá Prag í sumar þrátt fyrir mikinn áhuga tékkneskra ferðaskrifstofa á Íslandsferðum. Wizz Air er hins vegar með starfsemi í Prag en talskona félagsins vill hins vegar ekki segja til um hvort flug þaðan til Íslands sé á teikniborðinu. Íslenskar ferðaskrifstofur hafa lengi boðið upp á pakkaferðir til Prag og Iceland Express flaug þangað eina sumarvertíð.
Þess má geta að í sumar verður í fyrsta skipti hægt að fljúga héðan til Riga í Lettlandi en það er flugfélagið AirBaltic sem mun starfrækja það í allt sumar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …