Samfélagsmiðlar

Fjöldi gististaða á Suðurnesjum margfaldast

blaalonid Jeff sheldon

Nýskráðum gistiheimilum og hótelum suður með sjó hefur fjölgað gríðarlega undanfarin ár. Árið 2004 voru sjö gististaðir skráðir á Suðurnesjum, haustið 2013 voru þeir 35. Núna eru þeir 70. Nýskráðum gistiheimilum og hótelum suður með sjó hefur fjölgað gríðarlega undanfarin ár. Árið 2004 voru sjö gististaðir skráðir á Suðurnesjum, haustið 2013 voru þeir 35. Núna eru þeir 70.
Áður fyrr gistu erlendir ferðamenn á Suðurnesjum að jafnaði í eina nótt á svæðinu en eru núna farnir að dvelja í tvær til sjö nætur. Einnig færist í vöxt að Íslendingar á leið í morgunflug sofi nóttina fyrir brottför á gistiheimili í nágrenni við Leifsstöð og geymi bílinn við næturstaðinn á meðan dvalið er erlendis og nýti sér ókeypis skutlþjónustu til og frá flugvelli. Þetta kemur fram í fréttaskýringu RÚV um þær miklu breytingar sem hafa orðið í ferðaþjónustu á Suðurnesjum. Haft er eftir Þuríði Halldóru Aradóttur, forstöðumanni Markaðsstofu Reykjaness, að nýskráðum gistiheimilum og hótelum hafi fjölgað gríðarlega undanfarin ár. Árið 2004 voru sjö gististaðir skráðir á Suðurnesjum, haustið 2013 voru þeir 35 og núna eru þeir 70. Nýskráðum gistiheimilum fjölgaði um 80% á síðasta ári og útlit er fyrir frekari fjölgun á þessu ári. Hlutfallslega fjölgaði gistinóttum mest á Suðurnesjum og Vesturlandi á síðasta ári samkvæmt tölum Hagstofunnar.

Allir fá vinnu

Þessi mikla fjölgun gististaða hefur margfeldisáhrif inn í samfélagið á Suðurnesjum samkvæmt frétt RÚV. Veitingastaðir spretta upp og ýmis önnur þjónusta og staðan á vinnumarkaði hafi snarbatnað á örfáum árum. Atvinnuleysi mældist 14% á Suðurnesjum fyrir örfáum árum og var atvinnuástandið þar hið versta á landinu. Nú sé staðan breytt. Atvinnuleysi mælist 3% og í raun fái allir vinnu sem það vilja. 
Sjá ítarlega fréttaskýringu um áhrif ferðamannastraumsins á lífið suður með sjó á vef RÚV.

Opnar lággjaldahótel

í vikunni kynnti Skúli Mogensen, forstjóri og eigandi WOW air, að í sumar myndi félag í hans eigu opna gistiheimili í tveimur blokkum á gamla varnarliðssvæðinu. Þar mun megináherslan verða lög á ferðamenn sem stoppa stutt á landinu og þá sem eru á leið í morgunflug og vilja gista í nálægð við Flugstöð Leifs Eiríkssonar.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …