Samfélagsmiðlar

Keflavíkurflugvöllur verðlaunaður enn á ný

fle 860

Þrátt fyrir stóraukna umferð og framkvæmdir þá þykir íslenska flughöfnin áfram skara fram úr. Þrátt fyrir stóraukna umferð og framkvæmdir þá þykir íslenska flughöfnin áfram skara fram úr.
Farþegum í Flugstöð Leifs Eiríkssonar hefur fjölgað um tugi prósenta á milli mánaða um langt skeið. Af þeim sökum hefur þurft að breyta og stækka flugstöðvarbygginguna og því hefur fylgt töluvert ónæði fyrir farþega og ekki síður starfsfólk. Engu að síður var Keflavíkurflugvöllur á dögunum valinn besti flugvöllur Evrópu í flokki flughafna með færri farþega en 5 milljónir.  Verðlaunin eru veitt af alþjóðasamtökum flugvalla í Evrópu (ACI Europe) en innan samtakanan eru yfir 500 flugvellir í 45 löndum.

Mikilvægt að vera í fremstu röð

Samkvæmt tilkynningu frá Isavia eru verðlaun ACI veitt fyrir góðan árangur í flugvallarrekstri og er litið til þátta eins og þjónustu við farþega, uppbyggingu á mannvirkjum, umgjörð verslunar- og veitingasvæða, öryggisleit, samfélags- og umhverfismál, rekstur flugbrauta, flugumferðarstjórn og fjölda áfangastaða sem í boði eru. Dómnefndin tilgreindi sérstaklega að vel væri staðið að rekstri íslenska flugvallarins á sama tíma og farþegaaukningin er gríðarleg. „Á sama tíma og farþegaaukning um flugvöllinn er yfir 30 prósent á ári þá er starfsfólk okkar að koma okkur í fremstu röð í samkeppni við aðra flugvelli. Álagið á vellinum er gríðarlegt út af þeirri aukningu sem hér hefur orðið og því afar ánægjulegt að hægt sé að viðhalda háu þjónustustigi á sama tíma. Fyrir Isavia er mikilvægt að flugvöllurinn sé í fremstu röð og dómnefndin hrósar okkur fyrir fjölmarga þætti í rekstri hans,“ er haft eftir Birni Óla Haukssyni, forstjóri Isavia, í tilkynningunni.

Fjöldi viðurkenninga

Á síðustu árum hefur Keflavíkurflugvöllur hlotið fjölda viðurkenninga frá Alþjóðasamtökum flugvalla. Hann var valinn besti flugvöllur í Evrópu í þjónustu við farþega árin 2009 og 2014, og með bestu þjónustu í Evrópu í flokki flugvalla með undir 2 milljónir farþega árið 2011 og var auk þess valinn á heiðurslista Alþjóðasamtaka flugvalla í Evrópu árið 2014.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …