Samfélagsmiðlar

Fljúga áfram tómum farþegaþotum milli Íslands og Japan

tokyo Louis Kang

Annað haustið í röð tókst forsvarsmönnum flugfélagsins JAL ekki að koma í sölu flugsætum hér á landi. Utanríkisráðherra vill hins vegar koma á loftferðasamningi milli landanna tveggja Annað haustið í röð tókst forsvarsmönnum flugfélagsins JAL ekki að koma í sölu flugsætum hér á landi.
Fimmta árið í röð mun japanska flugfélagið JAL bjóða upp á stakar ferðir til Íslands frá Tókýó og Osaka nú í september. Í fyrstu ferðinni frá Japan fljúga vélarnar hingað með farþega en snúa við tómar og koma svo aftur til landsins án nokkurra farþega til að sækja japönsku ferðamennina viku síður. Forsvarsmenn JAL hafa síðustu tvö ár reynt að koma sætunum í sölu hér á landi til að þurfa ekki að fljúga tómum vélum alla leið frá Japan til Íslands en flugtíminn er á bilinu 11 til 12 tímar. Viðræður Japanana við íslenska ferðaskipuleggjendur hafa hins vegar ekki skilað árangri samkvæmt svari sölustjóra JAL til Túrista. Þar kemur jafnframt fram að Japansferðirnar til Íslands í ár verði tvær en ekki fjórar, eins og í fyrra, en sæti eru fyrir 235 farþega í Boeing þotunum sem nýttar verða í þetta haustflug hingað frá Tokýó og Osaka.

Utanríkisráðherra vill loftferðasamning

Hingað til hefur beint flug milli Íslands og Japan takmarkast við þessar stöku haustferðir JAL en ekki er í gildi loftferðasamningur milli landanna tveggja. Í vikunni var hins vegar möguleg gerð þess háttar samnings til umræðu á Alþingi að frumkvæði Össurar Skarphéðinssonar, fyrrum utanríkisráðherra. Í svari núverandi ráðherra utanríkismála, Lilju Alfreðsdóttur, kom fram að íslenskir ráðamenn hafi um árabil kallað eftir umræðu um gerð loftferðasamnings milli landanna en það boð hafi ávallt verið afþakkað. „Almennt meta japönsk stjórnvöld stöðuna þannig að ekki sé nægileg eftirspurn í Japan eftir gerð loftferðasamnings. Íslensk stjórnvöld hafa hins vegar reglulega bent á aukningu í fjölda japanskra ferðamanna, en fjöldi þeirra hefur vaxið úr um 3.000 árið 2002 í um 17.000 árið 2015, sem er um það bil 80% aukning“, bætti utanríkisráðherra svo við. Þess ber þó að geta að miðað við þessar tölur hefur fjöldi japanska ferðamanna hér á landi nærri því sexfaldast frá árinu 2002 en ekki aukist um áttatíu af hundraði líkt og kom fram í svari utanríkisráðherra. Í ár hefur aukningin haldið áfram og fjórðungi fleiri Japanir heimsótt Ísland nú en fyrstu sjö mánuðina í fyrra eða ríflega 10 þúsund..

Millilending eini kosturinn

Íslensku flugfélögin Icelandair og WOW air hafa bæði í ár bætt við flugflota sína þotum sem eru nógu langdrægar til að geta flogið til Asíu en ennþá hefur hvorugt félagið gefið út nein áform um flug til Asíu. Í staðinn einbeita þau sér að áætlunarferðum yfir Atlantshafið með millilendingu á Keflavíkurflugvelli og asísk flugfélög hafa heldur ekki boðað komu sína til Íslands. Áfram lítur því út fyrir að farþegar á leið héðan til Asíu og öfugt þurfi að millilenda í Evrópu á leið sinni. Markaðurinn fyrir Íslandsferðir í Asíu hefur hins vegar stækkað mjög og til að mynda kom það fram í viðtali Túrista við framkvæmdastjóra Lufthansa, stærsta flugfélags Þýskalands, að mikil eftirspurn var eftir Íslandsflugi félagsins í Kína hafi komið á óvart. Í vikunni gaf Finnair það svo út að næsta vor myndi félagið hefja áætlunarflug til Íslands frá Helsinki en þetta stærsta flugfélag Finnlands er mjög stórtækt í Austurlöndum fjær og koma þess mun því líklega auka enn á ferðamannafjöldanna frá Kína, Japan og S-Kóreu.
SMELLTU HÉR TIL AÐ BERA SAMAN FLUGVERÐ TIL TOKYO

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …