Samfélagsmiðlar

„Skíðaflug“ til Sviss á 3.440 krónur

engelberg

Flug til Alpanna er mjög takmarkað yfir vetrarmánuðina en núna er hægt að fá flugmiða til Basel fyrir lítið. Flugferðir til Alpanna eru fáar  en núna er hægt að fá flugmiða til Basel fyrir lítið.
Skíðasvæðin í Ölpunum hafa skiljanlega mikið aðdráttarafl á veturna en svo óheppilega vill til, fyrir íslenskt skíðaáhugafólk, að framboð á beinu flugi til nærliggjandi borga er lítið. WOW air fer vikulega til Salzburgar, til Munchen má komast með Icelandair og svo bjóða ferðaskrifstofur upp á pakkaferðir á ítölsk og austurrísk skíðasvæði. Fleiri eru kostirnir ekki nema fólk millilendi á leiðinni.
Þarsíðasta vetur var úrvalið hins vegar mun meira því þá bauð breska lággjaldaflugfélagið easyJet upp beint flug héðan til Genfar og Basel en þessar áætlunarferðir lögðust hins vegar af á tímabilinu nóvember til janúar í fyrra og eins og staðan er núna þá virðast forsvarsmenn easyJet ætla að bíða með Genfarflugið en Baselflugið er á dagskrá frá byrjun febrúar.   

Töskugjaldið hærra en farmiðaverðið

Sú borg er aðeins lengra frá skíðabrekkum en Genf en þrátt fyrir það gætu fargjöldin til Basel vakið áhuga skíðaáhugafólks hér á landi. Í febrúar og mars má nefnilega finna töluvert úrval af ferðum, báðar leiðir, á undir 20 þúsund og þann 3. febrúar kostar aðeins 26 evrur eða 3.440 krónur að fljúga út frá Keflavíkurflugvelli. Og sá sem flýgur svo heim aftur fjórum dögum síðar borgar 10.716 krónur fyrir báðar leiðir. Það er ögn minna en það kostar að taka skíðabúnað með sér í flugið hjá easyJet en gjaldið fyrir þá þjónustu er 85 evrur eða um 11.250 krónur. 

Bíll eða lest

Almenningssamgöngur frá Basel og upp í fjöll eru fínn kostur í mörgum tilvikum því frá aðallestarstöðinni í Basel er hægt að komast í allar áttir og svo sjá rútur um að flytja farþega síðasta spölinn upp í fjöllin. Svo má líka leigja bíl við komum til Basel en samkvæmt athugun Túrista þá er kostar vikuleiga á fólksbíl á bilinu 25 til 30 þúsund krónur í febrúar og mars.

Stór skíðasvæði í ca. 2 tíma akstursfjarlægð frá Basel

1. Engelberg 
2. Grindelwald
3. Adelboden
4. Chateau d’Oex
5. Andermatt

SMELLTU TIL AÐ GERA VERÐSAMANBURÐ Á BÍLALEIGUBÍLUM Í BASEL

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …