Samfélagsmiðlar

Mikilvægt fyrir ferðaþjónustu að tengja saman innanlands- og milllilandaflug

kef farthegar

Forsvarsmenn ferðamála í Finnlandi, Noregi og Danmörku segja það skipta miklu máli að ferðamenn geti flogið út á land beint frá aðalflugvöllum landanna. Sá kostur er hins vegar ekki í boði fyrir ferðafólk á Íslandi.
Þoturnar sem taka á loft frá Keflavíkurflugvelli setja allar stefnuna á útlönd á meðan innanlandsflug er stór hluti af umferðinni um helstu flugvelli Norðurlanda og einnig annars staðar í Evrópu. Ferðamenn sem lenda á Óslóarflugvelli geta til að mynda flogið þaðan beint til á annars tugs norskra borga og bæja. Og þessar samgöngur eru afgerandi fyrir fyrir íbúa og aðkomufólk í landshlutum þessa langa lands að mati Stein Ove Rolland, talsmanns, ferðamálaráðs Noregs. „Óslóarflugvöllur er klárlega mikilvægasta gáttin fyrir ferðamenn inn í Noregi en við viljum að þeir upplifi meira en bara höfuðborgina. Þeir eiga líka að sjá Bergen og firðina, fara til Stavanger, Þrándheims eða Bodö, Tromsö, Lófóten o.s.frv. Flugsamgöngurnar á milli Óslóar og þessara staða eru því þýðingarmiklar. Þær binda Noreg og útlandið saman.“

Íslenska kerfið yrði áskorun fyrir Finna

Líkt og í Noregi geta fjarlægðirnar verið miklar í Finnlandi og frá Helsinki-Vantaa, stærsta flugvelli Finna, er boðið upp á flug innanlands og utan. Þetta fyrirkomulag er mjög þýðingarmikið fyrir ferðaþjónustuna þar í landi segir Paavo Virkkunen, framkvæmdastjóri ferðamálaráðs Finnlands, í svari til Túrista. „Ég ímynda mér að það myndi valda alvarlegum skaða á ferðaþjónstuframboðinu ef það væri nauðsynlegt að skipta um flugvöll í Helsinki til að komast í innanlandsflug og það myndi því vera mikil áskorun að fást við það. Til allrar hamingju eru engar líkur á sú staða komi upp.” Virkkunen bendir hins vegar á að Reykjavík sé mikilvægari áfangastaður fyrir ferðamenn hér á landi en Helsinki er fyrir túrista í Finnlandi og aðstæður því ekki alveg sambærilegar. Að mati Virkkunen er það því skiljanlegt að boðið sé upp á flug úr miðborg Reykjavíkur þar sem höfuðborgin sé stór hluti af ferðaáætlun fólks hér á landi. Enda yrði það mun tímafreka fyrir ferðamenn að þurfa að keyra frá Reykjavík til Keflavíkur í miðri dagskrá en að koma sér út á Reykjavíkurflugvöll.

Mikilvægt að þjónustan sé aðgengileg

Þó Danmörk sé mun minna land en Noregur og Finnland og með góðar lestarsamgöngur þá er Lars Erik Jøhnsson, aðstoðarframkvæmdastjóri ferðamálaráðs Danmerkur, þeirrar skoðunar að öflugt innanlandsflug sé mikilvægt fyrir Danmörku. „Það er engin vafi á því að í ferðaþjónustu hefur það mikla þýðingu að hlutirnir séu aðgengilegir. Bæði fyrir þá sem eru í vinnuferðum og þá sem eru í fríi. Kaupmannahafnarflugvöllur hefur að sjálfsögðu afgerandi þýðingu fyrir ferðageirann í höfuðborginni en á sama tíma er það einnig mikilvægt fyrir danska ferðaþjónstu að erlendir ferðamenn geti flogið beint frá sínum heimalöndum og til fjölda flugvalla fyrir utan Kaupmannahöfn.“ Jøhnsson bætir því við að þó ekki séu til neinar mælingar á því hversu vel erlendir ferðamenn í Danmörku nýti sér innanlandsflug þá sé hann sannfærður um að ferðirnar til og frá Kaupmannahöfn séu hluti af því að fá túrista út á land.

Margir millilenda aðeins í Ósló

Sem fyrr segir er innanlandsflug stór hluti af heildarumferðinni um stærstu flugvelli Evrópu og til að mynda var vægi þess um 30 prósent á Óslóarflugvelli í fyrra og stór hluti þeirra farþega sem nýtir sér innanlandsflugið þar millilendir aðeins í Ósló á leið sinni frá útlöndum og til annarra hluta Noregs eða öfugt. Fyrstu sjö mánuðina í ár hafa til að mynda 6,4 milljónir flogið innanlands til og frá Óslóarflugvelli og þar af voru tæpar 2 milljónir skiptifarþegar. Af heildarfarþegafjöldanum á Óslóarflugvelli eru þessi farþegahópur um 15 prósent af heildarfarþegafjöldanum að frádregnum skiptifarþegum á leið til útlanda. Einn af hverjum sjö farþegum á Óslóarflugvelli millilendir sem sagt þar á leið sinni í eða úr innanlandsflugi. Á sumum flugleiðum er vægi skiptifarþega frá útlöndum mun hærra eða allt að 30 prósent samkvæmt tölum sem Túristi hefur fengið frá Óslóarflugvelli. Þar getur verið um að ræða norska og útlenda farþega. Þess má geta að Óslóarflugvöllur, stundum kenndur við Gardermoen, er 50 kílómetrum fyrir sunnan höfuðborgina sjálfa, ögn lengra í burtu en Keflavíkurflugvöllur er frá Reykjavík. Hins vegar gengur hraðlest á milli flugstöðvarinnar og miðborgar Óslóar sem gerir samgöngurnar auðveldar.

Gætu fyllt nokkrar Bomdardier á dag í Keflavík

Á hverjum degi lenda á bilinu 2.500 til 8.000 erlendir ferðamenn á Keflavíkurflugvelli og 1 til 2 þúsund Íslendingar. Ef skiptiflug þaðan út á land yrði álíka vinsælt og það er á Óslóarflugvelli þá myndu 500 til 1.500 farþegar á dag kjósa að fljúga þaðan og beint út á land. En þar sem vegalengdirnar eru í mörgum tilfellum styttri hér en í Noregi er óhætt að fullyrða að svo mikil yrði hlutdeild skiptifarþega í innanlandsflugi ekki á Keflavíkurflugvelli. Ef vægi þess yrði hins vegar fjórðungur af því sem þekkist í Noregi þá myndu skiptifarþegar í innanlandsflugi á Keflavíkurflugvelli daglega fylla tvær til sex Bombardier Q400 vélar eins og Flugfélag Íslands notar.
Með innanlandsflugi frá Keflavík yrði flug til útlanda líka einfaldari kostur fyrir íbúa víða um land. Austfirðingur sem keyrir í dag 700 kílómetra frá heimili að Keflavíkurflugvelli gæti þá hafið ferðalagið á Egilsstaðarflugvelli eða á Höfn, innritað töskurnar sínar þar og sótt þær á ný við komuna til útlanda líkt og íbúar í hinum dreifðari byggðum Noregs og Finnlands geta gert þegar þeir fljúga til og frá útlöndum.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …