Samfélagsmiðlar

Vonar að Icelandair og WOW sláist í hóp með stærstu flugfélögum Evrópu

icelandair wow

Talsmaður Airlines for Europe segist gera sér vonir um að brátt verði alla vega nafn eins íslensks flugfélags að finna í félagatalinu. Talsmaður Airlines for Europe segist gera sér vonir um að brátt verði alla vega nafn eins íslensks flugfélags að finna í félagatalinu.
Fimm stærstu flugfélög Evrópu mynduðu í ársbyrjun hagsmunasamtökin Airlines for Europe, eða A4E. Innan vébanda þess eru hefðbundin flugfélög eins og Lufthansa, British Airways, KLM og Air France en einnig Ryanair, easyJet og Norwegian, þrjú umsvifamestu lággjaldaflugfélög álfunnar.
Forsvarsmenn þessara risafyrirtækja hafa nú snúið bökum saman til að standa vörð um hagsmuni sína gagnvart evrópskum og alþjóðlegum stofnunum eins og segir í tilkynningu frá A4E. Þar kemur einnig fram að baráttumálin séu aðallega þrjú; lækkun flugvallargjalda, skilvirkt loftrými og niðurfelling ónauðsynlegra skatta. 

Í viðræðum við Íslendinga

Verkföll flugumferðarstjóra víðs vegar um Evrópu hafa hins vegar verið helsta viðfangsefni ársins hjá starfsmönnum A4E af heimasíðu samtakanna að dæma. Þessar kjaradeilur hafa nefnilega valdið töluverðu raski á flugumferð í álfunni síðustu misseri og reynst flugfélögunum dýrkeypt. Það hafa forsvarsmenn Icelandair og WOW air einnig fengið að reyna því í sumarbyrjun setti yfirvinnubann íslenskra flugumferðarstjóra flugáætlun flugfélaganna úr skorðum. Og þess er kannski ekki langt að bíða að íslensku flugfélögin gerist aðilar að hinum nýstofnuðu hagsmunasamtökum að sögn Aare Dünhaupt, talsmanns A4E. Í samtali við Túrista segir hann að viðræður séu í gangi við forsvarsmenn Icelandair og WOW air og að hann vonist til að þau sláist í hópinn á næstu misserum. Dünhaupt bætir því við að nú sé verið að kynna samtökin fyrir stjórnendum flugfélaga víðs vegar um Evrópu og hann eigi því von á að nýjum meðlimum frá fleiri löndum.
Sem fyrr segir eru flugfélögin innan A4E mjög umsvifamikil og árlega ferðast með þeim um 500 milljón farþega. Til samanburðar má nefna að í ár er gert ráð fyrir að samanlagður farþegafjöldi Icelandair og WOW air verði um eitt prósent af þessari tölu eða 5,3 milljónir farþega.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …