Samfélagsmiðlar

1500 Íslendingar á dag til útlanda í nóvember

kef farthegar

Aldrei áður hafa jafn margir hér á landi nýtt nóvember til ferðalaga til annarra landa og fjöldi íslenskra farþega í ár kominn upp í hálfa milljón Aldrei áður hafa jafn margir hér á landi nýtt nóvember til ferðalaga til annarra landa og fjöldi íslenskra farþega í ár kominn upp í hálfa milljón.
Rúmlega 45 þúsund Íslendingar flugu frá Keflavíkurflugvelli í síðasta mánuði sem er stórbæting á gamla metinu sem sett var nóvember árið 2007 þegar nærri 41 þúsund íslenskir farþegar flugu héðan. Að meðaltali sátu því um fimmtán hundruð Íslendingar á degi hverjum í vélunum sem tóku á loft frá Keflavíkurflugvelli í nóvember en svo margir farþegar fylla um átta hefðbundnar þotur. Til samanburðar voru brottfarir frá flugvellinum að meðaltali 51 á dag í nóvember samkvæmt talningum Túrista.
Miðað við eðlilega sætanýtingu má segja að fimmta hver þota sem tók á loft hafi verið með íslenska farþega en fjórar af hverjum fimm með útlendinga.

Búin að rjúfa 500 þúsund farþega markið

Ferðamálastofa hefur haldið úti talningum á brottförum Íslendinga frá Flugstöð Leifs Eiríkssonar frá árinu 2004 og á þeim tíma hafa aldrei fleiri farið út en árið 2007 þegar fjöldinn náði nærri 470 þúsundum. Það met fellur hins vegar í ár því í lok nóvember sl. höfðu 495 þúsund íslenskir farþegar farið út og næsta víst er að í fyrstu viku þessa mánaðar hafi meira en 5 þúsund Íslendingar innritað sig í flug í Leifsstöð. Þar með hefur meira en hálf milljón íslenskra farþega farið til útlanda í ár. Langflestir í júní eða rúmlega 67 þúsund talsins.

 

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …