Samfélagsmiðlar

Ekki pláss fyrir fleiri bíla við Flugstöð Leifs Eiríkssonar

Íslendingar eru greinilega á faraldsfæti um páskana því núna eru öll 2.350 bílastæðin við Keflavíkurflugvöll frátekin. Íslendingar eru greinilega á faraldsfæti um páskana því núna eru öll 2.350 bílastæðin við Keflavíkurflugvöll frátekin.
Þeir sem eru á leið út í heim næstu daga geta ekki farið á einkabílnum út á flugvöll því langtímastæðin við Flugstöð Leifs Eiríkssonar eru orðin full. Eru farþegar því beðnir um að taka rútu, strætó eða láta skutla sér í flugið. Í tilkynningu frá Isavia segir að starfsmenn þess hafi undanfarna daga flutt yfir 600 bíla af bílastæðunum yfir á önnur svæði en ekki er meira pláss. 

Mun meiri nýting en gert var ráð fyrir

Ásóknin í bílastæðin nú um páskana er mun meiri en gert var ráð fyrir því um síðustu páska voru um tvö þúsund bílar á stæðunum en núna eru þar helmingi fleiri bílar eða 3 þúsund talsins. Bílastæðin voru stækkuð í fyrrasumar og þá var 350 stæðum bætt við. Þar er því í dag pláss fyrir 2.350 bila og alla jafna er nýtingin 43 prósent. „Nú yfir páskana eru Íslendingar mun meira á faraldsfæti en gert var ráð fyrir í áætlunum og því hefur þessi staða komið upp. Ljóst að hefja þarf vinnu við að stækka bílastæðin enn frekar svo þau ráði við mesta álagstíma ársins, sem jafnan eru páskarnir. Isavia vill biðjast afsökunar á þeim óþægindum sem þetta kann að valda flugfarþegum,“ segir í tilkynnigu frá Isavia.
Tvö fyrirtæki bjóða upp á reglulegar ferðir út á flugvöll Airport Exress og Flugrútan.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …