Samfélagsmiðlar

Íslendingar með langhæstu tekjurnar af Airbnb

Mynd: Sigurjón Ragnar/sr-photos.com

Íslenskir leigusalar á vef Airbnb þéna margfalt á við kollega sína á hinum Norðurlöndunum og hlutdeild fyrirtækisins hér á landi jafnast á við þriðjung þess sem öll hótel landsins ná samanlagt. Íslenskir leigusalar á vef Airbnb þéna margfalt á við kollega sína á hinum Norðurlöndunum og hlutdeild fyrirtækisins hér á landi jafnast á við þriðjung þess sem öll hótel landsins ná samanlagt.
4000 íslenskir leigusalar eru með skráðar eignir hjá Airbnb og samtals tóku þeir á móti meira en hálfri milljón gesta á síðasta ári. Á Norðurlöndunum eru það aðeins Danir sem fá fleiri gesti í gegnum þessa bandarísku gistimiðlun samkvæmt gögnum sem Túristi hefur undir höndum. Upplýsingarnar eru frá Airbnb en þó ekki fengnar frá fyrirtækinu sjálfu enda hafa talsmenn þess ekki viljað svara spurningum Túrista um umsvif sín hér á landi síðastliðið ár. Þeir upplýsingar sem íslensku bankarnir hafa birt um umsvif Airbnb síðustu misseri eru heldur ekki fengin frá Airbnb heldur erlendur matsfyrirtæki.
Samkvæmt þeim gögnum sem Túristi hefur eru í dag 4 þúsund íslenskir leigusalar með eignir skráðar hjá Airbnb en ekki kemur fram hversu margir gistikostirnir eru. Líklega eru þeir fleiri en einn að jafnaði tók hver íslenskur leigusali á móti 130 gestum í fyrra og dvöldu þeir að jafnaði í 2,5 nætur eða 325 nætur yfir árið. Það er vísbending um að hinn hefðbundni íslenski leigusali hjá Airbnb selji gistingar í fleiri en eina eign nema að þeir séu með gesti inni á heimilum sínum í um 11 mánuði á ári.

Þriðjungur af hótelmarkaðnum

Í heildina seldi Airbnb því 1,3 milljónir gistinátta hér á landi í fyrra en til samanburðar voru gistinætur á íslenskum hótelum 3,8 milljónir í fyrra samkvæmt tölum Hagstofunnar. Þetta þýðir að Airbnb, eitt og sér, miðlar álíka mörgum gistingum og þriðjungur íslenskra hótela gerir samanlagt. Hlutdeild Airbnb er ekki sambærileg á hinum Norðurlöndunum. Í Finnlandi seldi fyrirtækið nærri helmingi færri gistingar en hér á landi en umsvifin í Noregi (1,4 milljónir) og í Svíþjóð (1,7 milljónir) eru álíka og hér á landi. Danmörk er hins vegar stærsti markaður Airbnb á Norðurlöndum en þar voru gistinæturnar tæplega 3 milljónir.
Í Danmörku eru stærð Airbnb hins vegar aðeins um fimmtungur af hótelmarkaðnum en ekki þriðjungur líkt og hér á landi samkvæmt samanburði Túrista við tölur hagstofa þessara landa.

1,2 milljónir í tekjur

Í gögnum Airbnb eru líka upplýsingar um tekjur leigusala innan Airbnb og þær eru hins vegar gefnar upp sem miðgildi en ekki meðaltal. Samkvæmt því var miðgildi leigutekna íslenskra leigusala hjá Airbnb nærri 1,2 milljónir í fyrra. Í Danmörku og Finnlandi voru tekjurnar hins vegar 240 þúsund krónur en um 280 þúsund í Danmörku og Noregi. Að tekjur Íslendinganna skuli vera miklu hærri er eðlilegt í ljósi þess hversu margar gistinæturnar eru hér á landi þrátt fyrir að leigusalarnir séu færri en á hinum Norðurlöndunum. Sem fyrr segir er um miðgildi að ræða en ekki meðaltal.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …